Melville mak gemaak
Mense van Melville veg terug om dié Jhb-buurt saans weer leefbaar te maak sy inwoners.
Beeld
Olimpiese Spele in Beijing
Die SA span, nuus, agtergrond en ander inligting oor vanjaar se Olimpiese Spele in Beijing, China.
Jou wêreld, Jou koerant
Soek Webwerf Argiewe Web     BLITSGIDS
Vennote


Bespaar só krag hierdie winter
Mar 30 2008 06:21:19:543PM  - (SA)  

 Druk artikel
 E-pos storie aan 'n vriend

Teen dié tyd begin dit darem al stadig by mense insink dat ons elkeen ’n bydrae gaan moet maak om energie te bespaar.

En of ons nou die blaam op die regering of Eskom wil plaas wanneer beurtkrag ons tref, gaan niks aan die huidige situasie verander nie.

Die feit is dat energiebesparing ’n leefwyse gaan moet word.

Daar is al vele wenke die afgelope paar maande gepubliseer, maar hier is nog ’n paar wenke wat sommer gewoontes kan word:

  • Onthou om die deksel op die pot te sit wanneer jy kook om hitte en energie te bespaar. Die grootte van die pot behoort ooreen te stem met die grootte van die stoofplaat – dit kan jou tot 25% bespaar op die elektrisiteit wat jy gebruik terwyl jy kook.

  • Week bone, stampmielies en ander soortgelyke droë kos oornag. Dit sal tyd, geld en ure se kookwerk bespaar.

  • Probeer net die water kook wat jy nodig het, in plaas daarvan om elke keer ’n vol pot of ketel te kook.

  • As jy nie ’n elektriese kontrakteur kan bekostig om dit vir jou te doen nie, isoleer self jou warmwatertoestel deur koerante, ou komberse of ander isoleermateriaal om dit en die warmwaterpype te draai.

  • Maak die deur toe elke keer wanneer jy iets uit die yskas haal en maak ook seker dat dit behoorlik seël.

  • Probeer altyd die gepaste kombuisgoed gebruik wanneer jy kook, byvoorbeeld potte en panne met plat bodems. Hulle gebruik tot 50% minder krag.

  • Wees bewus daarvan dat elektriese stowe baie krag verbruik en gebruik dus die plate en oond so min as moontlik.

  • ’n Slow cooker wat vir agt ure aan staan, gebruik minder elektrisiteit as wat ’n stoofplaat in ’n halfuur gebruik.

  • Verminder jou elektrisiteitsrekening deur die wasmasjien se voorwas-siklus oor te slaan as jou klere nie baie vuil is nie. Dit sal tot 20% minder elektrisiteit gebruik.

  • Skakel alle bystandsmodusse af elke keer wat jy die huis verlaat of voordat jy bed toe gaan.

  • Gebruik kragbesparingsgloeilampe. Hulle hou baie langer en gebruik minder krag en spaar geld op lang termyn.

  • Gaan jou elektrisiteits- en gasmeter gereeld na en stel aktief belang in jou energieverbruiksvlak.

  • Gebruik elektriese komberse in plaas van elektriese verwarmers in die winter.

  • Skakel elektriese toestelle by die muur se kragprop af anders trek die toestel steeds ’n bietjie krag.

    Aanvullende bronne: Die departement van minerale- en energie en www.capegateway.gov.za.


    Teken in op Beeld

    Kry Beeld op jou Facebook-profiel

    Kry nuus op jou selfoon by www.beeld.mobi

    • vind
    Plaas jou GRATIS advertensie hier!
    SOEK | KOOP | VERKOOP
    vind jou ou skoolvriende

    Kies jou skool se provinsie



    en klik op die eerste letter van jou skool
    A B C D E F G H I J K L M N O P Q R S T U V W X Y Z


    Adverteer in Beeld | Kontak ons |