Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
‘Los kabels, al is die krag af!’
Selfs tydens kragonderbrekings moet mense liefs nie aan kragkabels vat nie, waarsku mnr. Werner Vermaak, woordvoerder van ER24. Volgens Vermaak het dié nooddiens al verskeie voorvalle gehad waar mense geskok is omdat die krag aangegaan het terwyl hulle met die drade “vroetel”. Slagoffers kan brandwonde opdoen en dit kan ook die hart aantas. “In een geval is ’n man van Randburg beseer toe hy tydens beurtkrag sy kans gebruik het om ’n muurprop reg te maak,” sê Vermaak. Die krag het aangegaan en die man is geskok. Vermaak waarsku ook dat mense nie aan hul kragbokse moet peuter nie. “As die krag nie dadelik aankom aan die einde van jou beurtkragperiode nie, kontak eerder die munisipaliteit of Eskom om jou te help as om self die kragboks oop te maak en aan die drade te vat.” Vermaak waarsku ook dat stukke kabel wat veronderstel is om begrawe te wees, bo die grond kan uitsteek ná kabeldiefstal. “Diewe is opportuniste en gebruik hul kans tydens beurtkrag wanneer die kabels nie ‘lewendig’ is nie,” sê hy. Ná die kragonderbreking kan die kabel iemand noodlottig beseer as die persoon daaraan raak. Mnr. Louis Pieterse, woordvoerder van die Johannesburgse kragverspreider City Power, sê dit is nie “onmoontlik” dat kabeldiewe die beurtkragskedules gebruik om hul misdaad te beplan nie. Pieterse kon dit nie staaf nie, maar sê City Power “gaan dit beslis fyn dophou”. – Aldi Schoeman
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
