Beurtkrag glo rede vir ongeluk
Apr 09 2008 08:31:00:293PM  - (SA)  

Druk artikel  E-pos storie aan 'n vriend

Beurtkrag in Boksburg aan die Oos-Rand was glo die oorsaak van ’n ernstige ongeluk.

’n Motoris (45) veg om sy lewe in die Unie-hospitaal in Alberton nadat hy gister glo oor ’n verkeerslig, wat as gevolg van beurtkrag af was, gery en met sy Renault-motor teen ’n bakkie gebots het.

Volgens insp. Jimmy Maboko het die motoris omstreeks 06:30 oor die verkeerslig op die hoek van Trichardtsweg en die R554 gery en teen ’n Ford-bakkie gebots. “Die 36-jarige bestuurder van die bakkie het ligte beserings opgedoen,” het Maboko gesê. Die 45-jarige man, wat met reddingstoerusting uit sy motor gesny moes word, is met ernstige beserings per helikopter na die hospitaal vervoer.

Volgens Maboko het ooggetuies gesien die verkeerslig was af toe die ongeluk gebeur het.

’n Saak van roekelose en nalatige bestuur word ondersoek.

“Tydens beurtkrag moet motoriste alle verkeersligte as stoptekens hanteer,” het Maboko gewaarsku. – Gloria Edwards

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi