Kragprobleme raak nie dié behuising
Apr 23 2008 08:12:13:087PM - (SA)
Kaapstad. – Probleme met kragvoorsiening sal nie laekostebehuisingsontwikkelings kortwiek nie.
Ontwikkelings van nuwe, bekostigbare behuisingsprojekte wat minder as 100 kilovolt-ampère (kVA) benodig, sal ook nie deur kragprobleme geraak word nie.
Só het me. Lindiwe Sisulu, minister van behuising, gister gesê.
Dit volg op berigte dat Eskom oor die volgende paar maande nie elektrisiteit?sertifikate sal toeken aan bouprojekte groter as ’n woonhuis nie.
Ná besprekings tussen me. Buyelwa Sonjica, minister van minerale en energie, en mnr. Alec Erwin, minister van plaaslike ondernemings, het Sisulu gesê sy bevestig dat die regering verbind is om te verseker dat nuwe eiendomsontwikkelings wat minder as 100 kVA benodig – asook bekostigbare behuisingsprojekte – krag sal kry. – Philda Essop
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
