Lotto-boerpot dié naweek R20 m.
Apr 23 2008 07:47:10:107PM - (SA)
Werkersdagnaweek se Lotto-trekking-boerpot gaan ’n allemintige R20 miljoen wees.
Gidani, nasionale Lotto-operateur, het gister dié reuse-boerpot aangekondig en mense aangeraai om reeds vroeg hul kaartjies te koop om lang toue te vermy.
Me. Thembi Tulwana, woordvoerder van Gidani, het in ’n verklaring gesê met die R40 miljoen-boerpot op 29 Maart het drie gelukkige Lotto-spelers, van onderskeidelik Gauteng, KwaZulu-Natal en Noordwes, elk R13,3 miljoen in die sak gesteek.
Sedert Gidani die Lotto oorgeneem het, is 53 miljoenêrs geskep, R620 miljoen aan die Lotery-verspreidingstrustfonds gegee wat dit onder ontvangers sal uitdeel en die kleinhandelbedryf met R111 miljoen versterk.
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
