Delmas is tops
May 08 2008 03:27:33:010PM - (SA)
Arisja Jacobs
Delmas. – Die Laerskool Delmas is onlangs aangewys as die beste laerskool in die Nkangala-streek vir 2007. Die departement van onderwys het dié toekenning aan die skool gemaak.
Daar is 414 laerskole in die Nkangala-streek, onder meer in Witbank, Middelburg, Kriel en Kwamlanga.
Volgens die hoof, Johan de Beer, is die skool se slaagsyfer, verslae van departementele besoeke en die skool se algehele prestasie deur die jaar in ag geneem.
Johan skryf sy skool se sukses toe aan die personeel, beheerliggaam en ouers se betrokkenheid.
“Ons het 764 kinders in ons parallelmediumskool. Ons glo ook aan integrasie en transformasie en daarom het ons drie swart onderwysers wat hulle gewig in goud werd is,” het Johan gesê.
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
