Kommentaar op lesers se foto's: 4
Dec 13 2007 07:09:13:837PM - (SA)
Johann van Tonder, bekende fotojoernalis en sameroeper van die fotokompetisie se beoordelaarspaneel, sal gereeld deur die loop van die kompetisie wenke vir die neem van beter foto's gee.
Hy sal ook kommentaar lewer op van die foto's wat lesers ingestuur het.
Wenk 1:
'n Paar faktore dra by tot die trefkrag van Hennie se foto, wat 'n baie warm vakansiegevoel skep. Die belangrikste daarvan is die feit dat daar 'n goed-gedefinieerde onderwerp is - iets waarvan amateurs dikwels vergeet met 'n sonsondergang. Tweedens die interaksie tussen die twee figure en derdens die herhaling van die onderwerp in die poel. Siloeëtbeeld word elders hier bespreek.
Wenk 2:
Foto's bevat verskeie dimensies, waaronder inhoud en grafika. Inhoudelik is hierdie 'n foto van sambrele en stoele, dus niks besonders nie. Grafies is dit 'n herhaling van kleurvolle patrone wat "mooi" is om na te kyk. Dit is wat samestelling (komposisie) so belangrik maak. Terloops, 'n fokuspunt soos bv. 'n vakansieganger in een van die stoele sou die foto selfs nog kon verbeter.
Wenk 3:
Pragtige toneel, maar jammer van die telefoonpaal heel regs! Die les is om letterlik van hoek tot hoek deur die kamera se viewfinder te kyk om seker te maak alles wat die raampie is, dra by tot die foto.
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
