Beeld

Gaan Mbeki by buurtwag aansluit?
Daar's eintlik vrek baie ooreenkomste tussen pannekoek bak by 'n basaar en kinders grootmaak...

Super14-bepalings en -uitslae
Bepalings, uitslae, puntestand in 2008 se Super14-rugbyreeks. Klik hier vir die spanne, hul kleure. Nuwe reëls.

Jou wêreld, Jou koerant

Webwerf

Argiewe

Web

beeld

Vennote

Pretoria herleef dalk
May 06 2008 10:38:53:607AM - (SA)

Druk artikel
E-pos storie aan 'n vriend

Morris Gilbert

Pretoria, die oudste rugbyklub in die Jakarandastad, kan glo danksy die finansiële ingryping van ’n konsortium plaaslike sakemanne van ondergang gered word.

Hoewel Mike Erasmus, Pretoria se voorsitter, nie hieroor kommentaar wou lewer nie, het Tshwane-Beeld van ’n ander betroubare bron verneem dat ’n finansiële inspuiting van R3 miljoen oor die volgende drie seisoene ter sprake is.

Pretoria sukkel dié seisoen kwaai – dít in sy 120ste bestaansjaar – en is ná sy eerste drie wedstryde laaste op die puntelys van die Carltonbeker-reeks. Hulle het groot nederlae teen TUT, Silver Valke en Naka Bulle gely.

In die wedstryd teen TUT, wat op Loftus Versfeld plaasgevind het, het Pretoria meer as ’n honderd punte afgestaan.

Tshwane-Beeld se bron sê die onmiddellike mikpunt is daarom om deur daadwerklike ingryping te keer dat Pretoria sy Carltonliga?-status aan die einde van die seisoen verloor.

Hy wou nie sê wat “daadwerklike optrede” impliseer nie, maar dit kan beteken dat Pretoria ten eerste ’n groter kern van gehalte-spelers sal moet kry as hy net in die Carltonliga wil saamgesels.

Van die ander opwindende planne vir die “Red Pretoria”-veldtog is glo:

Dat die eerste span semi-professionele status soos dié van die Oos-Randse klub Brakpan sal hê. Van Brakpan se spelers het dié seisoen provinsiale kontrakte van die Valke van die hand gewys omdat hul beter by die klub daaraan toe is;

Die stigting van ’n kommersiële liggaam wat na die belange van die eerstespanspelers en bestuurspan sal omsien;

Die betrokkenheid van die dinamiese plaaslike sportpromotor Willem Strauss wat met sy kundigheid van beroepsport ’n reusebate sal wees;

Dat Pretoria van sy huidige terrein in Groenkloof na ’n geskikte nuwe tuiste in die digbevolkte “nuwe Ooste” van die stad verskuif word waar daar tans geen Carltonliga-rugbyklub is nie. Pretoria en Harlequins is oorkant mekaar in Totiusstraat geleë.

Volgens Tshwane-Beeld se bron is dit ’n harde werklikheid dat die “doodsklok vir die tradisionele oop klub gelui het.

“Die bedryf van klubrugby soos ons dit almal geken het, het onder meer weens al hoe minder geldelike skenkings van die unies en stadsrade, asook die afname in spelers wat die spel as outomatiese eerste keuse het, ’n feitllik verlore saak geword. Uiteindelik sal die oop klubs soos ons dit nou ken niks meer as ’n tuiste vir geleentheidspelers word nie. Dit sal sosiale rugby aanbied.

“Kyk byvoorbeeld na die huidige toedrag van sake in die Carltonliga en die mate waarin dié klubs wat aan die semi-professionele omgewing buite Pretoria blootgestel is, dit oorheers.”

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi