Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Gebeentes in Russiese woud ís die van kroonprins en sus
Nege dekades lank, sedert tsaar ?Nikolaas II en sy gesin deur die Bolsjewieke uitgemoor is, was daar geen oorskot van die hemofiliese troonopvolger, Aleksei, te vinde nie. Sommige glo die 13-jarige het ontsnap en daar was al verskeie mans wat op die titel aanspraak gemaak het. Ander glo weer die beendere is iewers in die reusagtige Russiese wildernis begrawe. Die res van die gesin se oorskot is in 1991 opgegrawe en in die koninklike begraafplaas in Sint Petersburg herbergrawe. Die Russies-Ortodokse kerk het ál sewe familielede in 2000 tot heiliges verklaar. Navorsers het verlede jaar beenfragmente opgegrawe in 'n woud naby Jekaterinburg, waar die koninklike familie doodgemaak is. Russiese en Amerikaanse laboratoriums het die DNS-toetse gedoen. Mnr. Eduard Rossel, goewerneur van dié gebied 1 500 km oos van Moskou, het aan verslaggewers gesê dat 'n laboratorium in die VSA die gebeentes as Aleksei en Maria s'n geïdentifiseer het. "Ons het nou die hele familie gevind," het hy gesê. Nikolaas het in 1917 tydens die revolusie geabdikeer, en was saam met sy gesin in 'n huis in Jekaterinburg in aanhouding. Die tsaar, sy vrou, Aleksandra, hul seun en vier dogters is op 17 Julie 1918 deur 'n vuurpeloton in die kelder van die huis tereggestel. Die besluit oor wat van die oorskot gaan word, berus by die Russies-Ortodokse kerk. "Die tragedie van die tsaar se familie sal slegs tot ruste kom indien die familie tot slagoffers van politieke onderdrukking verklaar word," het mnr. German Loekjanof, 'n prokureur vir die koninklike afstammelinge, gesê. - Reuters
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
