Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Marissa moet in Beijing jaag
Sorg dat Marissa van der Merwe aan die Olimpiese Spele in Beijing deelneem. Dít is die opdrag aan die vroue-jaers van die MTN-span wanneer hulle Sondag aan die Suid-Afrikaanse padbyeenkoms in Oos-Londen deelneem. Suid-Afrika kan twee vroue-jaers Spele toe stuur. Die 18-jarige Cherise Taylor het met haar sege in die Argus-toer en ’n goeie vertoning in China se vyfdaagse Chongming-toer verseker dat sy aan die Spele deelneem. Baie kenners meen Van der Merwe moet haar spanmaat wees. Tony Harding, Suid-Afrikaanse spanbestuurder, sê dat Van der Merwe die sterkste vroue-fietsryer in Suid-Afrika is. “Ek glo Marissa het die vermoë om een van die wêreld se voorste tien vroue-jaers te word, maar dan moet sy meer kanse kry om internasionaal deel te neem.” As Van der Merwe Sondag se padwedren oor 120 km wen, is dit bykans ’n uitgemaakte saak dat sy Spele toe gaan. Daarom het Douglas Ryder, eienaar van die selfoonspan, gesê hy verwag Van der Merwe se spanmaats moet vir haar te werk. Haar spanmaat Chrissie Viljoen het geen probleem daarmee nie. “Ek het verlede Sondag in die Durbanse toer saam met Marissa teen die ergste klim opgejaag. “Toe ons bo uitkom, was ek gedaan, maar Marissa het saam met die mans voortgejaag.” Van der Merwe het vyf minute voor Taylor oor die eindstreep gejaag “Marissa het bewys sy verdien ’n plek in die Spele-span en daarom sal ek alles opoffer om haar te help. “As Marissa gekies word, sal ek kan spog deur te sê ek het iemand gehelp om Spele toe te gaan.” In Sondag se roete oor 120 km is daar talle op- en afdraandes. Volgens Van der Merwe is die klimme nie steil genoeg sodat sy weer vir almal kan wegjaag nie. “Ons gaan probeer om die pas van die begin af só warm moontlik te maak. Hopelik slaag ons daarin om ’n klein groepie van ses of minder jaers in ’n breek weg te kry. Dit sal my pas.”
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
