Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Van Zyl skop stof in hekkiebrekers se oë
Nie eens twee en halwe dae se swaarkry op lughawens kon LJ van Zyl gisteraand in Doha, Katar, verhinder om ’n tweede keer vir die Olimpiese Spele in Beijing te kwalifiseer nie. Van Zyl het op die Super Grand Prix-byeenkoms die 400-hekkies in 49.03 sekondes gewen. Sy wentyd is 0.17 vinniger as die Olimpiese A-kwalifiserende vereiste. Danny McFarlane van Jamaika was tweede in 49.10 en sy landgenoot, Isa Phillips, derde in 49.71. Nico van Heerden, afrigter, bestempel dié sege as een Van Zyl se bestes. “Ek dink LJ het gisteraand bewys hy kan op die Spele ’n medalje wen. “Die laaste twee dae was pure hel. Weens burokratiese rompslomp het hy eers ure lank op Addis Abeba in Ethiopië se lughawe deurgebring en toe weer in Doebai. “LJ het maar ’n paar uur voordat hy moes deelneem in Doha aangekom. In dié proses het sy tas ook weggeraak. “Die feit dat LJ hom nie deur al die frustrasie en te min slaap laat onderkry het nie, is ’n bewys dat hy ’n kampioen kan word,” het Van Heerden gesê. Die Suid-Afrikaans gebore Frantz Kruger, wat deesdae vir Finland deelneem, het geen gelukkige aand beleef nie. Hy het met drie van sy vier diskusgooie oorgetrap. Met die enigste gooi wat wettig was, het hy die maatband maar tot 58.80 m laat rek. Sy afrigter, Kaai Preller, sê dat Kruger agterna erg gefrustreerd was. “Ek dink die laaste keer dat Frantz 58 m gegooi het, was toe hy 19 jaar oud was.” Preller vertrek Vrydag Fin-land toe. Hy is vol vertroue dat hy die fout in Kruger se teg-niek sal uitstryk voordat hy op 24 Mei weer deelneem.” Ehsan Hadadi van Iran het met ’n afstand van 67.20 gewen. Karin Mey, die Suid-Afrikaanse gebore verspringer, het nie deelgeneem nie. Intussen het die spiesgooier Robert Oosthuizen se beseerde linkerenkel sodanig herstel dat hy op 12 Junie in die Tsjeggiese Republiek sal deelneem. Hy het vanjaar al 86.80 m gegooi. Hy het ook uitnodigings ontvang om op 11 Julie in Rome en 18 Julie in Parys aan die Goue Liga-byeenkoms deel te neem. “In dié stadium dink ek nie aan enige afstande nie. My enigste doelwit is om gereeld verder as 80 m te gooi.” Justine Robbeson, die nasionale rekordhouer in die spiesgooi vir vroue (63.49 m), sê sy sal weens geskeurde enkelligamente nie voor middel Julie aan enige byeenkoms deelneem nie. Die wêreld se binnenshuise verspringkampioen, Khotso Mokoena, vertrek op 21 Mei na Duitsland waar hy aan twee opwarmbyeenkomste deelneem voordat hy op 1 Junie in Berlyn en 6 Junie in Oslo aan twee Goue Liga-byeenkomste deelneem. Mbulaeni Mulaudzi, Suid-Afrika se voorste 800 m-atleet, neem aan dieselfde twee byeenkomste deel. Sy afrigter JP van der Merwe het dit duidelik gemaak dat dit belangrik is dat Mulaudzi hom nie katswink voor die Spele hardloop nie. “Ons plan is dat Mulaudzi net aan die vier Goue Liga-byeenkomste voor die Spele deelneem en miskien aan ’n byeenkoms gedurende die Pottsdam-oefenkamp.”
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
