Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Dale ry aan pen in sy buiging
Bangalore. – Dale Steyn sal sy eerste wedstryd in die Indiese Premierliga liefs gou wil vergeet. Dié Suid-Afrikaanse blitsbouler, wat Vrydagaand die Titans gehelp het om die Pro20-reeks te wen, het goed begin vir die Bangalore Royal Challengers, maar het in die eindbeurte kwaai deurgeloop teen die Chennai Super Kings. Die Super Kings, wat deur die Suid-Afrikaner Kepler Wessels afgerig word, het die Bangalore Royal Challengers met 13 lopies geklop. ’n Blitsbeurt deur die Indiese held Mahendra Singh Dhoni het die Chennai Super Kings gehelp om hul onoorwonne status in die Indiese Premierliga te behou. Dhoni het 65 van slegs 30 balle af (9 x 4, 3 x 6) gemoker en die Super Kings het sodoende ’n mededingende telling van 178/5 aangeteken. Die Challengers het hul jaagtog goed afgesit. Wassim Jaffer (50) en Ross Taylor (53) het ’n goeie grondslag gelê en die tuisspan was op 127/2 ná 14 beurte goed op pad na hul tweede sege. Die verlies van Jacques Kallis (14 van 10 balle af) se paaltjie het egter ’n insinking ingelui. Die manne van Bangalore het hul laaste agt paaltjies vir slegs 38 lopies verloor. Hulle is uiteindelik vir 165 uitgehaal in die 20ste boulbeurt. Dhoni het vroeër goeie ondersteuning van Michael Hussey (47) gekry. Steyn het slegs een lopie in sy eerste beurt afgestaan, maar het deurgeloop vir 39 in sy volgende drie. Dhoni het 24 lopies van Steyn se laaste beurt (die 19de gemoker). Dit het ’n ses en vier viere ingesluit. Steyn se spanmaat Kallis (0/36) is ook gestraf. Die naatbouler Albie Morkel (1/38), wat saam met Steyn Vrydagaand vir die Titans op Kingsmead gespeel het, het darem sy veldtog vir die Super Kings op ’n wennoot begin, hoewel hy ook deurgeloop het.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
