Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Kolwers sal nie meer baljaar soos voorheen
Kaapstad. – Daar is uiteindelik hoop vir krieket se lankmoedige boulers. Die Marylebone Krieketklub (MCC), die tradisionele beskermheer van dié sportsoort en sy reëls, het gister streng nuwe riglyne vir krieketkolwe aangekondig. Boulers het die afgelope paar jaar kwaai deurgeloop. Die koms van blits?krieket en veral die tegnologiese vooruitgang van moderne kolwe het krieket by uitstek ’n spel vir kolwers gemaak. Terwyl boulers oor die kole gehaal word vir balpeutery, het kolftegnologie met rasse skrede verbeter. Dié reëlverandering sal verseker dat kolfstele slegs uit rottang, hout, tou en rubber mag bestaan. Dit volg nadat kolfvervaardigers die laaste paar jaar begin het om materiaal soos grafiet en titanium te gebruik om die kolfstele sterker en kragtiger te maak. Die MCC se hoof van krieketsake, John Stephenson, het in ’n verklaring gesê die nuwe reëls is deur 98.6% van sy lede goedgekeur. “Dit is om die balans tussen die bal en die kolf te handhaaf. As die een die ander oorheers, word die spel voorspelbaar. Minder mense sal geniet om dit te speel en te kyk,” het Stephenson gesê. “Spelers is deesdae groter, fikser en sterker as ooit tevore, wat beteken dat hulle die bal verder slaan. As die kolwe hulle dan ook te veel help, gaan die balans tussen bal en kolf heeltemal verloor word.” Die nuwe reëls bepaal ook dat die lengte van die steel nie meer as 52 persent van die totale lengte van die kolf mag wees nie. Dié nuwe reël sal op 1 Oktober vanjaar in werking tree. Mick Bellingham van ’n Suid-Afrikaanse vervaardiger het gister gesê dit is hoog tyd dat die MCC ingryp. “Ons glo al ’n geruime tyd dat spelers met onwettige kolwe speel. Nie een van die kolwers wat ons borg, speel egter met onwettige kolwe nie,” het die vervaardiger gesê. Mickey Arthur, die Protea-afrigter, glo nie die kolwers gaan sukkel om die bal oor die grenstou te kry nie. “Ek glo dat die kolwe meer eenvormig sal wees.”
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
