Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Leeus se boeties stamp baie selde kop
Dit is nie boeties of ander enkelinge wat môremiddag aan die Leeus ’n oorwinning teen die Vrystaat in die hoofwedstryd van die tweede dag van die 45ste onder 18-Cravenweek by die Afrikaanse Hoër Seunskool in Pretoria sal besorg nie. “Jy klop die Vrystaat net as jy ’n span saamspeel en elke speler se bydrae ewe belangrik is,” meen die Leeus se skrumskakel en kaptein, Westley Moolman. Hy is daarom baie beskeie oor die hoë verwagtings wat daar van hom en sy jonger broer, Bradley (buitesenter) is. Die twee Moolman-boeties, wat in ouderdom net elf maande van mekaar verskil, word as twee van die Leeus se grootste Cravenweek-troefkaarte beskou. “Dit is uiteraard ’n voorreg om saam met jou broer aan die Cravenweek deel te neem, meer nog omdat dit ons ook op laerskole-vlak beskore was (toe hulle saam vir die Luiperds gespeel het),” sê Westley. “Ek en my broer is baie goeie vriende en stamp selde kop. “Ons praat graag en gereeld oor rugby en leer in die proses baie bymekaar oor wat elkeen kan doen om ’n beter speler te word,” sê die Leeus se aanvoerder. Oor wat Bradley se sterkpunte as buitesenter is, het Westley geantwoord: “Hy is baie vinnig en kliphard. Dit maak hom ’n reuse-bate in sowel die aanval as op die verdediging.” Bradley verwys op sy beurt na sy broer as “een van my grootste leermeesters omdat hy altyd in alles deur voorbeeld lei”. Die boeties se pa, Frik, sê sy borskas is te klein vir hoe trots hy op sy seuns is. Die Leeus se kaptein meen die oorwinnings in die opwarmwedstryd teen die Valke en dié teen KwaZulu-Natal op die Noordvaal-bondedag was baie goed vir hul selfvertroue en momentum. “Ons sal moet leer om nie soos in die tweede helfte van die wedstryd teen KwaZulu-Natal konsentrasie te verloor nie, want dan rafel jou spel uit. “Teen die Vrystaat, wat baie gevaarlik uit gebroke spel is, sal dit juis van kritieke belang wees om die hele tyd binne ’n struktuur te bly speel,” het die Leeus se aanvoerder gesê.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
