Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Twee uit twee vir Klofies en Linden
Opwindende naelbyt-rugby is Saterdag opgedis in die onderskeie eindstryde van die Beeld-trofee. In die afdeling vir makro skole het die Hoërskool Waterkloof die trofee die twee agtereenvolgende jaar omhoog gehou, berig Hans van Vreden. Die Klofies het Kempton Park met 35-23 op Kempies se tuisveld geklop. Waterkloof het ’n goeie dag op die rugbyveld beleef. Sy o.15-span het die Hoërskool Monument behoorlik afgeransel en met 41-15 gewen. Dié suksesvolle span het sedert 2007 nog nie ’n wedstryd verloor nie en ses drieë teen Monnas ingeryg. Die Hoërskool Nelspruit se o.16-span het die Hoërskool Monument met 5-0 geklop. Monnas se o.14-span het HTS Middelburg net-net met 13-12 geklop. In die afdeling vir groot skole het die Hoërskool Ben Vorster van Tzaneen se eerste- en o.15-span die trofee huis toe gevat. Dié skool se eerste span het Helpmekaar Kollege met 29-21 in Johannesburg geklop met De Wet Molenaar wat ’n driekuns aan drieë behaal het. Die o.15-span het Potchefstroom Volkskool met 12-10 geklop. In die o.16-afdeling het die Hoërskool Pietersburg Roodepoort met 7-5 geklop. Helpmekaar se o.14’s het Ben Vorster met 10-7 geklop. In die afdeling vir medium skole het die Hoërskool Linden in Johannesburg sy trofee suksesvol verdedig, berig Pieter Kruger. Sy eerste span het die Hoërskool Ben Viljoen van Groblersdal met 33-12 geklop. Linden se heelagter, Lodewyk Uys, het drie drieë gedruk en ook met ‘n skepdoel geslaag. In die o.16-afdeling het die Hoërskool Stoffberg van Brakpan en Vryburg die trofee gedeel nadat die eindstryd met 10-10 gelykop geëindig het. Die Hoërskool Schoonspruit van Klerksdorp het Trinity House met 26-14 geklop. Linden se o.14-span het met 12-5 teen Piet Retief verloor. Dr. Johan Jurgens van Springs se eerste span het die eerste keer in sy geskiedenis die Beeld-trofee vir klein skole verower - boonop nog in sy 80ste bestaansjaar. Dr. Johan Jurgens het Alberton High School in Alberton met 25-18 geklop, berig Sarel van der Walt. Alberton High se o.16-span het darem die vreugdevure aan die gang gehou vir die tuisskare. Hy het Leeuwenhof Akademie van Bedfordview met 8-3 geklop. In die o.15-afdeling het Benoni High School met 5-3 teen die Hoërskool Christiana gewen. In die afdeling vir o.14-spanne het Maragon College Leeuwenhof Akademie met 31-10 getroef.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
