Steve letterlik weer op been
May 07 2008 10:04:06:267PM  - (SA)  

Druk artikel  E-pos storie aan 'n vriend

Steve Hofmeyr

Verwante Berigte 'Dit was die skok van my lewe' Winner sing dalk by Steve se hertroue Steve sê oor joernalis-gryp Steve gryp joernalis

Steve Hofmeyr is letterlik weer op die been.

Minder as 72 uur nadat ’n noodoperasie Sondagnag in ’n Gautengse hospitaal op hom uitgevoer is, is Hofmeyr gisteroggend die eerste keer toegelaat om uit sy bed op te staan en ’n paar treë te gee.

Me. Amanda Singleton, vriendin van Hofmeyr en sy vrou, Natasha, het gistermiddag gesê dokters is hoogs tevrede met Hofmeyr se vordering.

Hofmeyr moes vir ’n geperforeerde dikderm geopereer word nadat hy Saterdag maagpyn begin kry het en Sondag nie meer die pyn kon verduur nie.

Die operasie is omvangryk omdat die hele dikderm en ingewande tydens die operasie ondersoek en skoongemaak moet word om 100% seker te maak dat van die inhoud van die dikderm wat uitgelek het, nie in die maagholte agterbly nie.

“As ’n mens die omvang van só ’n mediese ingryping besef, is Steve se herstel merkwaardig.

“ ’n Mens kan amper se die ou Steve is op pad terug.

“Hy praat aaneen en maak grappe. Hy kon homself reeds vanoggend (gisteroggend) was.

“Hy verduur natuurlik nog baie pyn en hy het sedert die operasie nog geen vaste kos ingekry nie.

“Hy kry aarvoeding. Maar gister is begin met fisioterapie wat sy herstel hopelik sal bespoedig.”

Daar is nog geen aanduiding wanneer Hofmeyr sy vertonings sal kan hervat nie.

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi