Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Berugte polisielid in hegtenis oor skietery
’n Polisieman van Evander in Mpumalanga, wat al skuldig bevind is op ’n aanklag dat hy ’n verdagte uit die hof help ontsnap het, is in hegtenis geneem nadat hy sy eie vriend raak geskiet het. Groot geheimhouding het die afgelope week in Hoëveldse polisiekringe geheers oor die inhegtenisneming van konst. Billy Mapulane. Hy werk as hofordonnans in die streekhof in dié dorp. Mapulane is verlede Vrydagnag op Standerton in hegtenis geneem kort nadat hy sy vriend in die maag geskiet het. Supt. Abie Khoabane, polisiewoordvoerder van Mpumalanga, het gister bevestig dat ’n aanklag van poging tot moord teen Mapulane ondersoek word. Mapulane en vriende het glo die betrokke aand in ’n sjebien naby Standerton gekuier toe ’n bakleiery uitgebreek het. Volgens Khoabane het die bakleiery gevolg op ’n stryery oor ’n vrou. “Dit wil voorkom asof drank ook ’n rol in die voorval gespeel het,” sê Khoabane. Mapulane, wat nie ten tyde van die voorval aan diens was nie, het in ’n stadium sy dienspistool uitgepluk en twee skote geskiet. Sy vriend is in die maag getref. Mapulane is later by die plaaslike hospitaal in hegtenis geneem. Daar is onder meer op sy dienspistool beslag gelê. Hy is eergister op borgtog van R1 000 vrygelaat. Dit is nie die eerste keer dat Mapulane met die gereg bots nie. Hy is verlede jaar in die hof daaraan skuldig bevind dat hy ’n verdagte gehelp ontsnap het. Hy het toe ’n opgeskorte vonnis gekry. Departementele stappe is egter nooit in hierdie saak teen hom ingestel nie. Sowat 18 maande gelede is Mapulane wel op ’n ander ontsnappingsklag departementeel ondersoek. Volgens Khoabane is Mapulane destyds aangekla omdat hy glo omkoopgeld van ’n verdagte aanvaar het. “Die bewering wat ons ondersoek het, was dat Mapulane die verdagte na bewering uit die selle gehaal en hom bank toe gevat het, waar die verdagte geld getrek en aan hom (Mapulane) gegee het.” Die interne verhoor moes egter laat vaar word toe die verdagte geweier het om teen Mapulane te getuig, sê Khoabane. Die afgelope twee jaar was daar minstens drie ontsnappings uit die Evander-hof waar Mapulane die hofordonnans is. ’n Beeld-leser wat anoniem wil bly, het vroeër vanjaar ’n foto van Mapulane geneem terwyl hy tydens ’n hofsaak in die streekhof gesit en slaap het. “Geen wonder verdagtes ontsnap so maklik uit die hof nie,” sê die leser.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
