Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
’n Matriekseun kry sy ID ná berig in Beeld
Welkom. – Die matriekseun van dié stad wie se lewe tot stilstand gekom het omdat hy nie ’n identiteitsdokument kan kry nie, sal glo Vrydag sy nuwe identiteitsboekie in sy hand hê. Mev. Wilmaru van der Merwe sê nadat Beeld berig het dat haar seun Dawie nie kan matriekeksamen skryf omdat hy nie ’n ID het nie, het ’n vrou van die minister van binnelandse sake se kantoor in Pretoria haar gebel. “Eers het ’n me. Elsie Janse van Rensburg gebel. Sy werk vir ’n groot hotelgroep en het gesê sy ken iemand in die minister se kantoor. Later het me. Melanie Potgieter van die minister se kantoor gebel. Sy het gesê sy sal sorg dat Dawie se nuwe ID-boek Vrydag deur ’n koerierdiens na ons huis gebring word.” Van der Merwe sê die probleem het ingesluip omdat daar op presies dieselfde dag as Dawie nóg ’n seun met presies dieselfde name gebore is. Die ander seun het eerste om ’n ID aansoek gedoen en toe Dawie wou aansoek doen, kon niemand hom help nie. Hy kan nie vir die matriekeksamen registreer nie, kan nie om ’n rybewys aansoek doen nie en kan ook nie by ’n universiteit aansoek doen nie. Van der Merwe sê albei die vroue wat haar gister gebel het, was baie behulpsaam en gaaf. “Nou hou ons duim vas dat Dawie Vrydag sy nuwe ID-boek sal hê.”
|
|||||||||||||||||||||||
 |
|||||||||||||||||||||||
|
|||||||||||||||||||||||
|
vind
vind jou ou skoolvriende
Kies jou skool se provinsie |
|
|
