Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Man rand glo vrou wreed aan oor vuurwapen
’n 39-jarige vrou van Eldoradopark, Johannesburg, is wreed deur haar man aangerand nadat sy die man se ongelisensieerde vuurwapen by die polisie ingegee het uit vrees dat hy haar daarmee kan vermoor. Mnr. Aiden George (39), die verdagte, is nog op vrye voete. Hy het na bewering sy vrou, wat verkies om anoniem te bly, verlede naweek vier keer met ’n mes gesteek, geslaan en geskop toe hy uitvind sy wapen is weg, het die vrou se oom, ene Mark, eergister aan Beeld vertel. “Dit was duidelik hy wou haar doodmaak as jy na die messteke op haar lyf kyk,” het Mark emosioneel gesê. Die vrou is in die nek, voorkop, agterkop en rug gesteek. “Die laaste messteek was so erg dat dit die mes gebreek en die lem gebuig het,” het Mark vertel. Nadat die vrou twee dae in die waakeenheid deurgebring het, is sy onlangs na ’n gewone saal oorgeplaas. Mark vrees vir sy susterskind se lewe. “Aiden is buite bedwang en onkeerbaar. My susterskind het al hoeveel keer vir my vertel hoe hy haar fisiek en emosioneel mishandel. “Ek kan nie glo hy is nog daar buite nie. Wat gaan gebeur as sy (uit die hospitaal) ontslaan word?” Die vrou het onlangs ’n interdik teen George gekry en het ook al egskeidingsdokumente op hom laat beteken, het Mark gesê. “Ek weet hy het haar gereeld geslaan. Tog was daar niks wat sy kon doen nie, want hy het gedreig om haar en haar kinders dood te maak as sy enigiemand vertel.” George is vermoedelik in die Eldoradopark-gebied en is ook in die Kibler Park- en Ridgeway-gebiede in Johannesburg gesien. Hy bestuur ’n groen Toyota Corolla met registrasienommer HMB 966 GP. ’n Saak van poging tot moord is geopen. Enigiemand met inligting oor George kan kapt. Schroeder by 079 525 1515 bel.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
