Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Gestremde vrou teen 187 km/h op N1 vasgetrek
’n Gestremde vrou is die naweek in haar spesiaal aangepaste motor vasgetrek nadat sy teen 187 km/h gejaag het. Die 40-jarige vrou is, krukke en al, op die N1-snelweg in Johannesburg in hegtenis geneem nadat sy deur ’n metropolisievoertuig agternagesit is, het hoofsupt. Wayne Minnaar, metropolisiewoordvoerder, gister gesê. “Ons almal vra die vraag hoe op aarde sy dit kon doen – en hoekom,” het hy gesê. Die vrou se voertuig, ’n silwer BMW, is só aangepas dat sy met haar hande kan bestuur. Sy is volgens Minnaar Vrydagaand omstreeks 22:20 naby die Olifantsfontein-afrit aangekeer. Die vrou is ook aangekla omdat sy haar voertuig se nommerplate verwyder het. Dit is onbekend wat haar gestremdheid presies behels. Benewens dié vrou het die metropolisie die naweek sewe ander jaagduiwels op dié stuk pad afgetrek. Een van hulle was ’n 19-jarige man wat Sondagoggend omstreeks 02:30 teen 187 km/h in ’n silwer Mercedes-Benz gejaag het. Die voertuig is in sy ma se naam geregistreer en die man het nie ’n rybewys gehad nie, het Minnaar gesê. ’n 36-jarige vrou wat in ’n Volkswagen Jetta teen ’n hoë spoed aan die verkeerde kant van die pad gery het, is ook in hegtenis geneem. “Die beampte het gesê hy kon nie haar presiese spoed vasstel nie, maar hy moes teen 130 km/h ry om haar in te haal,” het Minnaar gesê. Die mense het gisteroggend in die Randburg-landdroshof verskyn.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
