Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Talle sonder heenkome
ná brand
Honderde mense het gister buite die Krugerpark-woonstelblok in die Pretoriase middestad gesit en wag om in hul woonstelle toegelaat te word nadat ’n brand eergister in dié woonstelblok uitgebreek het. Die meeste van die inwoners met wie Beeld gister gepraat het, het gesê hulle het die afgelope twee aande by vriende en familie slaapplek gekry. Sowat 250 mense is deur die Tshwane-metroraad by die Pretoria-Noord-stadsaal gehuisves. Inwoners van die eerste twee verdiepings van dié woonstelblok is gisteroggend vroeg toegelaat om hul mees noodsaaklike besittings bymekaar te maak. Die res moes sit en wag totdat die polisie se ter plaatse ondersoek afgehandel is. Supt. Julius Johnson van die Tshwane-metropolisie het gesê die metropolisie sal aanhou om mense na hul woonstelle te neem totdat almal hul goed bymekaar gemaak het. Weldoeners het brood en konfyt en lemoensap aan die inwoners gegee terwyl hulle gewag het. Die polisie se forensiese eenheid het gisteroggend dié 32-verdieping-gebou verdieping vir verdieping gefynkam oor die ontstaan en oorsaak van die brand. ’n Snuffelhond van die polisie se honde-eenheid wat daarin spesialiseer om te bepaal waar en waarmee ’n brand begin is, is onder meer die gebou ingestuur. Vyf mense, onder wie ’n paar maande oue baba, is dood. Mnr. Aubrey Ramotlhale, voorsitter van die Schubartpark- en Krugerpark-inwonerskomitee, het gesê die inwoners is baie dankbaar vir die alternatiewe verblyf wat die Tshwane-metroraad by die Pretoria-Noord-stadsaal aan hulle verskaf het. “As dit nie daar was nie, waar sou ons ’n heenkome gekry het?” het Ramotlhale gevra. Volgens hom is die inwoners van Schubartpark- en Krugerpark besig om te rou, veral oor die dood van die baba. “In ons harte huil ons,” het hy gesê. “Die persoon wat dit (die brand) gedoen het, moet aan die pen ry.” ’n Inwoner wat anoniem wou bly, het gesê die bloed van die vyf oorledenes is aan die hande van dr. Gwen Ramokgopa, uitvoerende burgemeester van die Tshwane-metroraad. Volgens dié ooggetuie, wat 72 jaar oud is en al die laaste sewe jaar in Krugerpark bly, het dié woonstelblok net die laaste paar jaar so agteruitgegaan. “Hierdie was ’n vyfsterplek waar hooggeplaaste staatsamptenare en selfs oudmin. Pik Botha se skoonma gebly het,” het die ooggetuie gesê. Volgens die ooggetuie het die plek begin agteruitgaan toe die Housing Company Tshwane, wat aan die metroraad behoort, die bestuur van die woonstelblok ’n paar jaar gelede oorgeneem het. Sedertdien werk die hysbakke nie en is daar nie brandslange, brandblussers of ’n openbare telefoon nie. “Die Housing Company Tshwane en die burgemeester is medepligtig aan wat hier gebeur het,” het die ooggetuie gesê. “Hulle het toegelaat dat die plek so agteruitgaan. “Die brandweer het die gebou twee jaar gelede onveilig verklaar.”
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
