Siffert terug in Linder voor JPO
May 07 2008 04:44:55:633PM - (SA)
Die Switserse dirigent Emmanuel Siffert is terug in die Goudstad voor die Johannesburg Philharmonic (JPO) in die Linder in Parktown – vanaand om onder meer die Karnavalouverture en Nuwe Wêreld-simfonie van Dvorák te dirigeer, en aanstaande Woensdag- en Donderdagaand lei hy die orkes in The Walk to the Paradise Garden van Delius, Debussy se La mer en La valse van Ravel. Die 41-jarige Siffert is ’n produk van die Salzburg-akademie waar hy as violis ’n lid was van die Camerata Academica Salzburg met Sandor Végh as mentor vóór hy na sy geboorteland teruggekeer het vir dirigentstudies onder Ewald Körner en daarna by Jorna Panula aan die Sibelius-akademie in Helsinki. Hy is ewe tuis in die operahuis – Mozart se Zauberflöte (Hongarye), asook Gounod se Faust en Richard Strauss se Salome in die Gallen-operahuis; en die konsertsaal – met ’n omvangryke simfoniese repertorium: van Tsjaikofski tot Kalinnikof, Beethoven tot Chausson, Bruckner tot Respighi en Fauré tot Hindemith. Kaartjies vir die JPO-konserte kos tussen R85 en R160 by Computicket, met aansienlike kortings vir studente en seniors.
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
