Ontsluit jou eie bron van energie en vervulling
Apr 21 2008 06:59:24:830PM  - (SA)  

Druk artikel  E-pos storie aan 'n vriend

Annie Coetzee se nuwe boek, Are you connected?

Die antieke wysgere was glad nie verkeerd toe hulle die hart beskryf het as ’n bron van waagmoed, wysheid en krag nie, sê die kreatiwiteitskenner Annie Coetzee in haar nuutste boek.

In Are you connected? wil sy mense bewus maak van die innerlike energiebron waaroor almal beskik, maar soms totaal onbewus van is.

Jou hart.

Soos die mens ontwikkel het, is daar mettertyd groter klem gelê op die brein en in die proses het die hart amper heeltemal in die slag gebly.

Coetzee se nuutste skrywe, ’n selfontwikkelingsboek, fokus sterk op die krag van die hart.

Die boek is gegrond op Coetzee se jare lange navorsing en bestudering van die menslike energiestelsel.

Sy het tot die slotsom gekom die hart bied ’n sagter, meer beskeie manier om met jou eie liggaam ’n band te vorm, wat dit dan makliker maak om groot krisisse te oorkom en drome en doelstellings te laat realiseer.

Daar is duisende selfontwikkelingsboeke op die mark en mense maak toenemend gebruik van lewensafrigters en terapeute om hulle deur krisisse te help.

Tog is daar steeds mense wat sê hulle leef, ondanks al hul pogings en hulplyne, nie ’n vervulde lewe nie.

Coetzee het hiervoor ’n eenvoudige verklaring.

“Wanneer mense aktief probeer om sekere doelwitte na te streef, en hulle het boonop die regte plan om te volg, is daar net een verklaring waarom hulle misluk. Hulle gebruik bloot nie die regte instrument nie.”

Energie is die spilpunt

Ons beleef tans ’n energiekrisis soos min, wat veroorsaak dat meer mense van energiebronne bewus word.

Maar alles om ons en in ons is energie. Dit is ook daardie energie wat jy uitstraal wat onsigbaar, maar voelbaar is.

Ongelukkig straal alle mense nie positiewe energie uit nie. Ander se negatiewe energie het ook ’n uitwerking op jou. Deur hul negatiewe opmerkings en emosies kan hulle jou in ’n boks vaspen.

Maar wanneer jy regtig die energie gebruik wat in jou liggaam beskikbaar is, is dit moontlik om uit die boks te klim.

Terselfdertyd is elke gedagte wat jy dink energie, wat weer ’n primêre vorm van krag en beweging word.

Coetzee vra in haar boek ’n rigtinggewende vraag.

Hoeveel keer per dag het jy gelukkige gedagtes in jou kop?

Die meeste mense se gedagtes is voortdurend besig met dinge wat hulle nie wil hê nie. Die ironie is dat dit wat jy nie wil hê nie, juis makliker manifesteer omdat jou gedagtes energie is wat skeppend te werk gaan.

Fokus op jou visie

As jy dit kan regkry om in verbinding te bly met die suiwer energie wat van binne af kom (die meeste daarvan uit jou hart uit), moet jy ook jou visie teen negatiewe insette beskerm.

Daar is dikwels mense in jou lewe wat onseker, kwaad en bitter is en negatief oor die toekoms voel. Hulle gaan probeer om hul eie gevoel van minderwaardigheid en negatiwiteit op ander te projekteer. Dis belangrik om so iemand uit jou lewe te sny, of ’n denkbeeldige muur op te rig sodat sy negatiewe energie nie jou positiewe energie gaan dreineer nie.

Sjuut!

Soms is dit nodig om stil te bly.

In woorde lê daar meer opgesluit as betekenis. Dit kan inderdaad tot seën wees, maar soms kan jou woorde vir jouself of iemand anders vernietigend wees. Plaas liefs die Bybelse wag voor jou mond. Bly liewer stil as jou hart vol negatiewe en afbrekende gedagtes is. Om agterna die skade ongedaan te maak wat negatiewe woorde aangerig het, is net te pynlik.

Voel

Span jou emosies in om kreatiwiteit te ontlok.

Coetzee sê die dae dat jy nie toegelaat is om jou gevoelens saam te neem na ’n geselligheid of vergadering nie, is verby. Jy moet in voeling wees met jou emosionele dieptes om só die kragtige en kreatiewe magte in jou te ontsluit.

Gevoelens is niks anders nie as chemikalieë wat jou kan help of kan seermaak.

Gevoelens of emosies word met jou verstand en jou liggaam uitgedruk en is ’n ondervinding wat die hele liggaam betrek.

Kyk byvoorbeeld hoe jou liggaam op emosies reageer: