Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Sorg só vir die aarde én jou gesin
Jy knik instemmend terwyl jy Al Gore op in An inconvenient truth hoor praat en jy word gewalg deur artikels oor reënwoude wat verwoes word en die vernietiging van die osoonlaag. Tog gooi jy jou wynbottels saam met jou plastieksakkies in die asblik en staan jou skoonmaak- en badkamerkassie vol produkte met skadelike bestanddele en eko-onvriendelike chemikalieë. Jy is bewus van wat gedoen moet word, maar weet nie waar of hoe om te begin nie. Dr. Sean Gomes, medestigter van die Wellness Warehouse-groep, sê dié groep het juis ontstaan uit die groeiende mark van gesondheidsbewuste mense wat meer balans tussen hul lewenstyl en die omgewing verlang. Hy sê by Wellness Warehouse moedig hulle klante aan om eko-vriendelike produkte te koop deur ’n verskeidenheid van dié produkte aan te hou. Vir hom kan die voordele van omgewingsvriendelike produkte nie bevraagteken word nie. “Bio-afbreekbare produkte se voordele is tweeledig: Jy ondersteun ’n gesonder omgewing én verminder jou gesin se blootstelling aan skadelike chemikalieë aansienlik.” Hy sê daar is verskeie faktore wat bydrae tot eko-volhoubaarheid, byvoorbeeld herwonne glas, organies gekweekte bestanddele, landboumetodes wat plaaslike gemeenskappe verryk en ’n standpunt teen toetsing op diere. By die Wellness Warehouse is daar ’n “groen gang” wat klante bekend stel aan eko-vriendelike alternatiewe soos huisskoonmaakmiddels, organiese watte, toiletware en skoonheidsprodukte. Mooi groen Elsa Krüger, skoonheidsredakteur van Shape, sê skoonheidsprodukte het die afgelope vyf jaar ook baie gedoen om aan te pas by die groeiende bewuswording van omgewingsvriendelike produkte. “Die meeste groot internasionale maatskappye het ’n natuurlike of organiese handelsmerk gekoop of ontwikkel naas hul bestaande produkreekse. Skadelike of omgewingsonvriendelike bestanddele word toenemend uitgefaseer.” Sy sê hoewel dié groen neiging nog vir baie kosmetiese maatskappye in hul kinderskoene is, die openbare mening en neiging druk op hulle plaas om meer te doen. “Ek dink nie dis ’n neiging wat oornag gaan verdwyn nie, inteendeel. Stella McCartney het byvoorbeeld haar reeks Care by Stella McCartney (’n 100 % gesertifiseerde organiese velsorgreeks) verlede jaar bekend gestel; dis nou sexy en trendy om te wys dat jy omgee vir moederaarde!” Hoewel daar ’n verskeidenheid skoonheidshuise soos Dermalogica, Elemis en Paul Mitchell is wat aansienlik meer omgewingsbewus raak, sonder Kruger en Gomes albei Dr. Hauschka-produkte uit vanweë die reeks se holistiese filosofie, waaronder ekologies vriendelike metodes om hul bestanddele te bekom, verhandel en produseer. Volgens Krüger kan vroue help om meer eko-vriendelik te wees deur net op te let na die bestanddele van die produkte wat in hul badkamerkassies is. “Weet wat is skadelike bestanddele en waarom. En kyk uit na die sertifisering-waarmerk op egte organiese produkte.” Die wat en die hoe Organies of natuurlik? Hoewel organies altyd natuurlik is, beteken natuurlik nie altyd organies nie, skryf Krüger in navorsing wat sy vir 'n artikel in Shape gedoen het. "Die woord 'natuurlik' word gebruik om 'n produk of bestanddele as 'in harmonie met die natuur', 'gekoppel aan die natuur' of 'verkry uit die natuur' te beskryf. Dit beteken die produk of bestanddele kom uit die aarde (soos plante, minerale) en dat dit nie sinte?tiese of natuur-identiese bestanddele bevat nie." Natuurlike produkte is steeds veiliger en gesonder, maar is nie noodwendig volgens organiese metodes vervaardig nie. Hoekom groen? Wees só eko-vriendelik Bron: Dr. Sean Gomes Kyk uit na dié simbole Wees op die uitkyk na sertifisering soos die simbole van byvoorbeeld Bio-Org, Afrisco, BDOCA (Suid-Afrika), Ecocert (EU), USDA (VSA), BDIH (Europa) en Aco (Australië), asook BFA (biologiese boere van Australië) en Ifoam (internasionale federasie van organiese landboubewegings) se stempels om seker te maak jou produk bevat organiese bestanddele.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
