'Nimmereindigende nagmerrie,' sê ouers
Sep 11 2007 12:53:11:713PM - (SA)
Londen. - Die ouers van die vermiste Madeleine McCann (4) het die jongste verwikkelinge rondom hul dogter se verdwyning as 'n "nimmereindigende nagmerrie" beskryf en gesê die lewe het "ondraaglik" geword.
Kate en Gerry McCann leef sedert hul terugkeer Sondag uit Portugal, waar hulle deur die polisie ingelig is dat hulle verdagtes is nadat Madeleine "per ongeluk" dood is, agter geslote deure in hul huis in Rothley in sentraal-Engeland.
Mnr. McCann sê op sy internet-blog hy en sy vrou word deur 'n "ondraaglike" situasie in die gesig gestaar, maar as al die feite bekend gemaak word, sal hulle kan bewys dat hulle "geen deel gehad het aan Madeleine se ontvoering" nie.
Die polisie in Portugal het intussen die belangrikheid van berigte dat DNS wat ten volle met dié van Madeleine ooreenstem in die kattebak van haar ouers se gehuurde motor gekry is, probeer afmaak. (Lees die verwante berig).
Intussen is die dossier in die verdwyning van Madeleine aan die openbare vervolger, mnr. Jose Cunha de Magalhaes e Meneses, oorhandig.
Volgens Portugal se polisiediens sal Meneses besluit of klagte teen Madeleine se ouers ingedien sal word. - Sapa-dpa
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
