Maddie: polisie by krematorium
Sep 20 2007 10:18:32:667PM  - (SA)  

Druk artikel  E-pos storie aan 'n vriend

Verwante Berigte McCanns nie nou weer ondervra DNS glo dié van boetie en sussie 'My God, my God, 'n dingo het my baba!' 'Maddie het oordosis pille gekry' Madeleine: Dagboek van 'n moeë ma Madeleine se ma is 'n verdagte

Monchique (Portugal). – Portugese polisie het gister ’n krematorium, 50 km van die Praia da Luz vakansie-oord waar die vierjarige Madeleine McCann verdwyn het, deurgesoek.

Mnr. Evert Hendrik, die eienaar van die krematorium, sê hy is drie keer deur polisie ondervra of hy Madeleine se ouers ken of met hulle gepraat het.

Madeleine, wat op 3 Mei verdwyn het, se ouers is verdagtes in haar verdwyning en die saak is reeds na ’n regter aangestuur wat sal besluit of ’n verhoor nodig is.

Haar ouers, wat terug is in Engeland, ontken enige betrokkenheid en glo steeds hul dogtertjie leef.

Hendrik sê twee polisielede in burgerdrag het hom gistermiddag besoek en sowat ’n halfuur met hom spandeer.

Een van die offisiere het ook foto’s van die gebou geneem.

Hendrik sê hulle wou nie sê of hulle na Madeleine soek nie.

Die polisie het reeds verskeie leidrade opgevolg.

Die moontlikheid dat die meisie deur ’n pedofielnetwerk ontvoer is, word ook ondersoek. – Reuters

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi