Dit gis oor 'Madeleine'-foto
Sep 26 2007 09:00:10:943AM  - (SA)  

Druk artikel  E-pos storie aan 'n vriend

Die foto van 'n meisie met 'n ligte gelaatskleur op 'n vrou se rug. Dit is deur 'n Spaanse toeris in Marokko geneem. Foto: met vergunning van Reuters.

Verwante Berigte McCanns huur voormalige SAS-lede Vermiste Maddie glo in Marokko gewaar McCanns glo bereid tot leuenverklikkertoets 'Maddie het oordosis pille gekry' Madeleine: Dagboek van 'n moeë ma

Madeleine het vier maande gelede verdwyn terwyl sy saam met haar ouers in Portugal vakansie gehou het.

Die foto wys 'n vrou wat 'n meisietjie met 'n ligte gelaatskleur op haar rug dra in Zinat in die noorde van die land.

Verskeie berigte is die afgelope paar dae ontvang dat iemand wat soos Madeleine lyk in Marokko gesien is.

Die toeris wat die foto geneem het, Me. Clara Torres, sê sy het die foto eers onlangs op haar rekenaar afgelaai en toe gesien dat die meisie baie na Madeleine lyk.

Sy het 'n afskrif van die foto aan owerhede in Spanje gegee wat dit op hul beurt weer aan Interpol oorhandig het.

Die foto is op 'n afstand van sowat 200 meter geneem en word deur rekenaarkundiges bestudeer. 'n Afskrif is ook aan die prokureurs van Madeleine se ouers, Gerry en Kate, gegee. - Sapa-dpa

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi