Vlieënier van SA dalk oormôre vrygelaat
Mar 28 2008 09:43:12:560PM  - (SA)  

Druk artikel  E-pos storie aan 'n vriend

Verwante Berigte Nuwe aanklagte teen SA vlieënier SA vlieënier van bedrog aangekla SA loods se SMS: 'Help asseblief!'

Harare. – Die Suid-Afrikaanse vlieënier wat vroeër vandeesweek hier aangekeer is, sal waarskynlik oormôre vrygelaat word.

Mnr. Brenton Smyth is Dinsdag by Prince Charles-lughawe, wes van Harare, aangekeer toe hy reggemaak het om mnr. Morgan Tsvangirai, leier van die beweging vir demokratiese verandering (MDC), die opposisieparty, na verkiesingsbyeenkomste te vlieg.

Mnr. Innocent Chagonda, sy regsverteenwoordiger, het gister ’n dringende aansoek voor die hoë hof gebring vir Smyth se vrylating. Hy is aangekla omdat hy glo Zimbawe se immigrasiewette verbreek het.

’n Vroeëre bedrogklag is teruggetrek. Volgens Chagonda het die hoë hof gisteroggend beveel dat die polisie Smyth teen 16:00 gistermiddag voor die landdroshof bring. Dit het egter nie gebeur nie.

Chagonda het Smyth uiteindelik in die Rhodesville-polisiestasie in Harare opgespoor. Volgens hom beteken die polisie se versuim om Smyth voor die landdroshof te bring, dat hy nie meer aangehou mag word nie.

“Immigrasie-owerhede hier hou hom nou aan en ons voorsien dat hy oormôre vrygelaat gaan word.” – Media24-Afrika-kantoor

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi