Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Sowat 40 000 op plase werkloos ná Zim se verkiesing
In die maand ná die Zimbabwiese verkiesing op 29 Maart is nóg sowat 40 000 permanente en seisoenale plaaswerkers se inkomste afgesny deurdat nog minstens 142 kommersiële plase beset is. Dít is luidens ’n verslag wat gesamentlik deur die Zimbabwiese landbou-en-bosbouwerkersvakbond (Gapwuz) en die Justice for Agriculture-trust (JAG) in Braamfontein, Johannesburg, bekend gestel is. Die meeste van die werkers wat geraak word, is in die suidelike Masvingo- (10 120) en sentrale Chegutu-distrik (10 500). Die Mashonaland-provinsies, waaronder die Chegutu-distrik net wes van Harare, het die ergste deurgeloop: 95 plase is beset. In die Masvingo-provinsie is 19 plase ingeval. Die meeste van dié besettings het gebeur tussen 6 en 12 April – sowat ’n week ná die verkiesing. “Oor die laaste agt jaar het ons ons werke verloor, ons enigste bron van inkomste verloor en is ons lewensaar afgesny. As jy (as plaaswerker) jou werk verloor, verloor jy ook jou huis,” het me. Getrude Hambira, sekretaris-generaal van Gapwuz, namens die plaaswerkers gesê. Sy het voorts gesê dat Gapwuz tans met die “nuwe boere” onderhandel vir beter lone vir die werkers wat tog nog werk. Tans verdien dié werkers die ekwivalent van ’n skamele 60c per dag en die boere weier om meer te betaal. Volgens Hambira reken dié boere dat dit genoeg is om elke dag vir die werkers ’n stuk brood en tee en soms ’n sak meel te gee, maar moet die werkers ook onder meer mediese koste en skoolgeld betaal. Verder saai ’n groep jong burgermagte in weermaguniforms amok onder plaaswerkers wat hulle sommer self besluit het het vir die opposisieparty (MDC) gestem, het Hambira gesê. Volgens haar kies dié groepe hul teikens deur na die verkiesingsuitslae te kyk om te sien watter streke teen Zanu-PF gedraai het. Mnr. John Worsley-Worswick van JAG het beweer dié jongmanne is met AK47-aanvalsgewere gewapen, maar dat hulle nie meer ammunisie het nie. “Dít wys net weer hóé belangrik daardie skip (met wapens vir Zimbabwe) is,” het Worsley-Worswick gesê. Hy het net lof gehad vir almal wat tot dusver geweier het om die skip te laat vasmeer en die wapens na Zimbabwe te vervoer. Verder meen hy dit is tyd dat die lande om Zimbabwe standpunt teen Zanu-PF inneem. “As die leiers in Suid-Afrika niks gaan doen nie, moet die mense iets doen omtrent dié leiers,” het Worsley-Worswick gesê.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
