Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Blaser erken hy fouteer met boorvat en NS-‘drie’
Wellington (Nieu-Seeland). – “As ek die voorval ten volle gesien het, sou ek ’n geel kaart gegee het,” sê die Australiese skeidsregter Stuart Dickinson. Hy het gister gereageer op die omstrede voorval in eergister se Drienasies-rugbytoets tussen Suid-Afrika en Nieu-Seeland toe die All Black-slot Brad Thorn die Springbok-kaptein John Smit met ’n laat boorvat grond toe geboor het. Thorn is uitgewys en gister in ’n tugverhoor skuldig bevind aan onsportiewe gedrag. Hy is ’n wedstryd lank geskors en loop die tweede toets mis. Die voorval het in die sesde minuut gebeur nadat Dickinson sy fluitjie geblaas het vir ’n gevaarlike duikslag deur die All Black-flank Adam Thomson op die Bok-heelagter Conrad Jantjes. Smit se lies is beseer en hy moes in die 38ste minuut die veld verlaat. Dis onwaarskynlik dat hy betyds fiks sal wees vir Saterdag se tweede toets teen die All Blacks op Carisbrook in Dunedin. Volgens Dickinson het nóg hy nóg sy assistent-skeidsregter die voorval ten volle gesien en daarom het hulle die “korrekte” besluit geneem om Thorn nie van die veld te stuur nie. Dit was ’n belangrike oomblik in die wedstryd, want die All Blacks het vroeg hul stem veral voorlangs dik gemaak. Dis onwaarskynlik dat hulle dieselfde oorheersing sou gehad het as Thorn tien minute lank in die koelkas was of afgestuur is. “Ek het na links gekyk om ’n speler dop te hou vir ’n hoogvat. Net toe ek na regs kyk, was Smit in die lug. Ek het nie gesien hoe hy geland het nie,” het Dickinson gesê. “Die grensregter se sig is deur spelers geblokkeer. Hy het hom sien opgaan en weer afkom, maar het nie gesien hoe hy geland nie. Ek het nou die kykweer gesien en sou ’n geel kaart gegee het as ek alles gesien het.” Dickinson het ook erken hy het ’n fout begaan deur in die 58ste minuut nie vir Nieu-Seeland ’n drie toe te ken nie. Die All Blacks se agtsteman, Jerome Kaino, het sy tweede drie “gedruk” ná ’n briljante grondskoppie deur die lossskakel Dan Carter. Dickinson het beslis Kaino was voor die skopper en dus onkant. “Ek het ná die tyd die All Blacks se hulpafrigter, Steve Hansen, verskoning gevra,” sê Dickinson. “Jy moet groot genoeg wees om te kan erken as jy ’n fout begaan het.”
|
||||||||||||||||||||||||
 |
||||||||||||||||||||||||
|
||||||||||||||||||||||||
|
||||||||||||||||||||||||
|
vind
vind jou ou skoolvriende
Kies jou skool se provinsie |
|
|
