Skaaktrofee bly by Florries se slimkoppe
May 01 2008 09:07:41:563AM  - (SA)  

Druk artikel  E-pos storie aan 'n vriend

Dié groepie skaakspelers van die Hoërskool Florida is die wenners van die NuPower Tuks-toernooi. Agter is Emcé van Zyl, John-Michael Walker, Steven Joubert, Jaco Swanepoel en Hennie van Tonder (afrigter). Middel: Gerdus Benadé, Anton Lombard en Ian Cawood. Voor: Riaan Steyn, Dirk Bakker (kaptein), Laetitia van Wyk en Paul Maritz.

Die Florries A-skaakspan, ook bekend as die dream team, het weer eerste uitgespeel by die Hoërskool Eldoraigne, Centurion, en 15 topskole geklop.

Dié talentvolle skaakspelers het ál sewe hul wedstryde in die NuPower Tuks Super 16-toernooi gewen. In die halfeindronde het hulle teen Dr. E.G. Jansen (14.4/2.1) en in die eindronde teen Waterkloof (10.4/6.1) gewen.

Die NuPower Tuks-skaakwisseltrofee bly by Florries. Alle spelers het ook sertifikate ontvang. Dirk Bakker en Laetitia van Wyk het albei trofeë ontvang vir hul wenspel van 9 uit 9 rondes. Die volgende spelers het ook trofeë ontvang vir die beste bordspel: Anton Lombard (bord 3: 8/9), Gerdus Benadé (bord 5: 8/9), Steven Joubert (bord 6: 8/9), Paul Maritz (bord 9: 8/9), Ian Cawood (bord 4: 7/9).

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi