Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Rudi kook van kleins af met liefde
Rudi Liebenberg, bekroonde sjef van die Saxon-boetiekhotel in Sandhurst, sê sy ma het hom geleer om met liefde te kook. “My ma het my baie geleer van kosmaak. ’n Mens moet hou van kook, anders kan jy net sowel wegneemetes koop.” Hy sê deesdae weier sy ma om vir hom te kook. En met só ’n sjef in die familie, sal enigeen eerder aansit as om self te kook. Benewens verskeie internasionale en plaaslike toekennings, sal dié boorling van Melville vanjaar ’n tweede keer aan die Olimpiese kompetisie vir kookkuns in Erfurt, Duitsland, deelneem. “Ons gaan bestanddele gebruik wat eie is aan Suid-Afrika en kos voorberei wat ons goed ken.” ’n Voorgereg met kreef en forel, ’n hoofgereg met springbokvleis en beet en ’n nagereg van malvapoeding en nartjies is op die spyskaart. Die spanne kry vyf ure om kos vir 110 mense voor te berei. Die uitdaging is om al 110 kaartjies te verkoop en ook die beoordelaars te beïndruk. Volgens hom hou oorsese gaste wat die Saxon besoek daarvan om unieke Suid-Afrikaanse kos te eet. “Volstruis en vis is baie gewild en mense hou daarvan om die krokodil te proe.” Hy hou daarvan om met salm, tamatie, lamsvleis en saffraan te kook. “As ek eet, hou ek van gevulde pastas of ’n eenvoudige pizza met salami of ham.” Hy geniet kosmaak omdat hy kreatief kan wees daarmee en omdat dit iets is wat die sintuie betrek. “Dit is ook lekker om voortdurend te verander, en ek stel elke drie weke ’n nuwe spyskaart saam.” Hy sal graag eendag sy eie restaurant wil begin. “Dit sal ’n bistro-tipe restaurant wees met ’n gemoedelike atmosfeer. Mense moet dit geniet om daar te eet en te kuier.”
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
