Bonami Bloom en Erich Piontek lyk soos een mens op die waterwurm soos hulle laaglê en vasklou om nie afgegooi te word nie. Amanda Bloom het die foto geneem en ingestuur. Hierdie twee het soos krappe geklou terwyl Gordon Bloom sy bes probeer het om hull af te gooi. Helaas kon hy dit nie reg kry nie...

Hierdie foto van Pieter Kritzinger op Parradise vliegveld by Jeffries Baai, is deur Graham Cooper geneem.

Stille waters... Hannes Rossouw het hierdie foto tydens 'n mistige oggend in Mosselbaai geneem.

Oupa Piet Kruger van Hekpoort het sy drie kleinkinders- Ryan (middel) en die tweeling, Zeldene en Zander, op nuwejaarsdag te Atlanta-vakansieoord, noord van Brits afgeneem. "Lyk nogal na DJ Ossewa se familie," vertel oupa Piet.

Henning van As van Kaapstad het hierdie misterieuse woudtoneel in Hohen Syburg, Duitsland afgeneem.

Angelique van Kraayenburg van Witbank het haar dogtertjie, Danelle (4), by die Hasiepark in Pretoria afgeneem.

'n Perfekte manier om vir die dag totsiens te sê... Inge Malan het hierdie foto op Dubai se kreek geneem tydens 'n rit op een van die kanale.

Fritos die African Grey geniet sy middag-sonbad in Jan Booysen se tuin te Potgietersrus. Jan het die foto geneem en vir ons ingestuur.

As jy man-genoeg is, waag 'n hand vol beesmis! Alex Snyman se dertiende verjaarsdag het 'n spesiale verrassing behels... Die spanne moes mekaar met beesmis gooi. Hoewel daar 'n paar deelnemers was wat vies gekyk het, het Lizandre (groen hemp) van die geelspan die manne gewys hoe dit gedoen word.

Hierdie trapsuutjie het hom heeltemal misgis met ESKOM se skokkende beurtkrag... Jan Nortje het hierdie foto in Newlands, Kaapstad geneem tydens hul vakansie daar.

Koue water, maar dis so lekker by die see! Jeannih Nel en Sunique Pieterse (niggies) is hier deur hulle tannie, Janette Barkhuizen van Pretoria, afgeneem. Die drie gesinne het saam by Stilbaai vakansie gehou.

Pappa Jannie Steyn leer sy dogtertjie, Karla (15 maande), al van vroeg hoe ons Suid-Afrikaners lekker kuier om 'n braaivleisvuur. Juanita Steyn het hierdie foto tydens hul vakansie in die wildtuin by die Tambotie-tentkamp geneem.

Wim Jansen van Sasolburg het hierdie foto tydens 'n besoek aan Edenburd, Skotland geneem. Die foto wys hoe verskillende trappies geheg is om tot bo in die kerktoring te klim. Dis die veiligheidsfaktor wat vir Wim skokkend is...

Japie van Deventer het hierdie groep Hollanders op 'n avontuurreis deur Afrika geneem, en hier sit hul almal op die "Yellow Bullet" in Etosha, Namibië. Die toer het 20 dae geduur en hulle het van Kaapstad tot Zimbabwe gereis.

Lelanie van der Merwe van Bergbron het haar boetie, Willie van der Ryst (13), saam met 'n tierboskat afgeneem op n wildreservaat in Plettenbergbaai.

Jennifer van Heerden het hierdie foto in Fearie Glen geneem. Die son se laaster lig verdwyn in die duisternis.

Ruben (5) en Suryke (7 maande) van Schalkwyk sit soos twee kersdwergies in die tuin terwyl mamma Jessica van Schalkwyk hulle op 'n kiekie vasvang. Die van Schalkwyk-gesin woon in Buffelspoort.

Johan van Niekerk het hierdie foto by Langebaan in die Kaap geneem.

Die son sak oor Kairo terwyl die eeu-oue Nylrivier en Piramides oor die stad waghou. Joan King het dié foto tydens 'n onlangse besoek aan Egipte geneem.

Jo-Ann Schou van die Kaap wou diepte vasvang in hierdie foto deur die kabelkarretjie in fokus te hou. Sy was self in 'n kabelkarretjie toe sy die foto geneem het.

Hoog in die lug maar ver van die wolke. Kobus en Joarita Olivier ry op 'n perd van 'n ander kleur, 'n olifant! Hulle was in Zimbabwe en 'n onbekende persoon het die foto geneem.

Die vakansie-gees word uitgebeeld deur dié kleurvolle boodjies wat so langs die lagoon in Ramsgate geanker is. Joe Abrie van Johannesburg het die foto geneem en ingestuur.

Die lang pad na nêrens... Talita Coetzer het hierdie foto tydens 'n vakansie in Amerika geneem. Die foto is op 'n pad wat deur die Mojave woestyn strek, geneem.

Johan Botha van Kroonstad het hierdie foto tydens 'n onlangse besoek aan Botswana geneem.