Hierdie foto is deur Sanet Jacobs geneem op die 19de Augustus 2007 naby Springbok in Namakwaland.

Sanet Schonfeldt het hierdie foto op 'n wildsplaas buite Naboomspruit geneem. Die kameelperd het vir Sanet so mooi met sy omgewing ingesmelt.

André de Lange van Polokwane voel daar is niks so mooi soos 'n bosveld-sonsondergang. Hy het die foto een middag na werk in Polokwane geneem.

Hierdie twee kameelperde is deur Santa Engelbrecht op 'n wildsplaas in Ellisras afgeneem.

Santa Heunis het hierdie foto tydens 'n rit op 'n pontboot na Pelican Waters, Australië geneem.

Dawie van Rensburg het hierdie skilpad in Zanzibar afgeneem. Die skilpad was ongeveer 15 m diep in een van die koraalriwwe. Santie Korf het die foto ingestuur.

Sarel Eloff het hierdie renoster in die Pilansberg-natuurreservaat afgeneem.

Sarel Streicher het hierdie foto op die Soutpansberg-staproete by Makhado geneem.

Chantel Scheepers het hierdie foto by die Unicor-dam in Evander geneem. Die laaste twee perde kom aangehardloop nadat die volbloed hings gerunnik het om kamp toe te lei.

Karin Schoeman van Isando het hierdie foto in die Buffelspoort-vakansieoord geneem. Dié pou het mooi vir die kamera geposeer.

Anré Weststrate van Witbank het hierdie foto in die Krugerwildtuin net buite Skukuza geneem.

Schalk Pieterse van Pretoria het hierdie Kingfischer met 'n padda in haar bek afgeneem. Sy is besig om hom dood te maak sodat sy haar kleintjies kan voer.

Rose Maree van Nelspruit het hierdie mol helder oor dag in haar tuin afgeneem toe hy besluit het om bietjie uit sy gat te kruip.

Frans Snyders het hierdie foto in die Kyoto-natuurpark in Japan geneem. Die natuur is so terapeuties.

Sonet van der Merwe van Pretoria het hierdie Bosveld-visvanger in die klein Paradys afgeneem.

Dit gaan maar rof! Sam van Dyk het hierdie wildehonde by die De Wildt/Shingwedzi Wildlife Ranch tydens etenstyd afgeneem.

Dit lyk asof hierdie leeuwyfie vir ons haar poot wys terwyl sy kreun van die pyn... Sonia Ludeke het hierdie leeu in 'n wildreservaat net buite Krugersdorp afgeneem.

Elke donker wolk het sy eie silwer randjie! Sonia Van Ellewee het hierdie sonsondergang in Secunda afgeneem.

Sonja Engelbrecht het hierdie foto tydens haar besoek aan die Kaapse Punt geneem.

Stephan Pieterse het dié foto in die Elephant Plains Sabie Sands geneem. Die zebra's drink lekker en is nie eers bewus van wat om hulle aangaan nie.

Dié foto is by Bloemhof-dam met sonsondergang geneem. Op die voorgrond staan 'n verlate visstok. Dina Odendaal van Rustenburg is die fotograaf.

Hierdie luiperd beloer die kamera met aanloklikke oë... Stefan Zaaiman het dié foto in Sabie Sands geneem.

Namakwaland op sy beste! Stephanus de Lange het hierdie blom-bedekde landskap in die Skilpad Nasionale Park afgeneem. Die kleure maak mens se hart sommer warm.

Stephan Kriel het hierdie foto by Jongensfontein naby Stilbaai geneem. Die sonsondergang word gegroet deur die branders.

Stephan Scott het hierdie foto vanuit hul strand-woonstel in die Kaap geneem.

Hierdie foto is geneem te Ngwenya deur Monica van der Walt van Randburg. Hierdie buffel se gesondheid lyk nie baie goed nie...

Mine! Mine! Mine! Die een se dood is die ander een se brood... Stephen Bester het dié foto op die Vaaldam naby Deneysville geneem.

Stephen Shepherd het hierdie foto op sy ouma se plaas, so 50 km buite Olifantshoek, geneem. Dit is 'n miskruier aan die werk met al die miggies wat hom geselskap te hou.

Steven Booysen het hierdie foto in die Kgalagadi-oorgrenspark geneem. Met die waarskuwingfluit van 'n springbok het Steven die drie gemsbokke se aandag gekry en toe die foto geneem.

Christiaan Steyn het hierdie foto verlede jaar gedurende die wintervakansie by Mbizi-vakansieoord net buite Warmbad geneem.

Magda Strydom van Heidelberg het dié foto in Plettenbergbaai geneem en dit vir ons ingestuur.

Wessel Strydom van Pretoria het dié roos in sy tuin afgeneem na 'n lekker reënbui.

Sue Visser het dié foto van 'n bosveld-sonsondergang op 'n plaas naby Ellisras afgeneem.

Lyk net soos 'n gesiggie! Suliz?arstens het hierdie foto in haar eie tuin geneem.