Meer as R11 000 se pryse vir mense wat stem!

Jy staan 'n kaans om een van die volgende pryse te wen indien jy in die Vakansie-kategorie stem:
Powershot A710-kamera (R3 400).
MV920 digitale video-kamera (R3 000).
Powershot A450-kamera (R1 999).
Selphy-fotodrukker (R1 500).
Selphy-fotodrukker (R1 500).

Wenner
Herman Steyn was besig om 'n Kersvader by 'n laagwaterbruggie in Nylstroom in die reën af te neem toe hierdie onbekende man op 'n fiets aangejaag kom en sy balans verloor het.

Tweede
Dié foto is geneem deur Charl de Kock tydens hul treinrit vanaf Kaapstad na Johannesburg. Hy wou die natuurskoon afneem en het Chanel Kruger se weerkaatsing in die venster ook vasgevang.

Derde
Fred Senekal en sy vrou, Adele, het in Egipte vakansie gehou en hierdie besonderse gesig afgeneem. Die piramide in die agtergrond is die "Great Pyramid of Giza", gebou deur Khufu, wat 'n trotse 138m hoog staan. Die ander twee groot piramides is die van Khafre en Menkaure (van regs na links). Fred Senekal het die foto geneem.

Vierde
Danette Breytenbach het haar pa, Louis Breytenbach, afgeneem terwyl hy besig was om kreef te braai in Hangklip in die Wes-Kaap.

Vyfde
Irene Mey het hierdie eensame figuur wat aangestap kom op die strand naby Muizenberg buite Kaapstad afgeneem.

Sesde
Klein Connor Whitfield en sy vakansiemaatjie, Annabel, baljaar lekker in die strand naby Diddle Door in Dorset, Engeland. Connor se ma, Marlize Whitfield, het die foto geneem.

Sewende
Jeanemari Hattingh se voet is vol fyn skulpies nadat sy geswem het by die Punt in Mosselbaai. Adri Groenewald het die foto geneem.

Agste
Luc Hosten het hierdie foto van haar dogter Mary en hulle hond Wheatie op die rotse by Schoenmakerskop geneem.

Negende
Jaco Da Silva het hierdie foto tydens een mistige oggend naby die Van Reensenspas geneem.

Tiende
Eduard Marais het hierdie foto van die jaarlikse "Desert Run" op duin 7 naby Walvisbaai in Namibië afgeneem.