Ford bied nou ook omvangryke waarborg
May 13 2008 12:49:43:763PM  - (SA)  

Druk artikel   E-pos storie aan 'n vriend

In die stryd om voornemende voertuigkopers se harte en beursies te wen raak dit nou ’n neiging om waarborge te verleng en versienings- en onderhoudsplanne deel van die kopies te maak.

Die Ford-motormaatskappy het onlangs aangekondig alle Ford- en Mazda-produkte (ook handelsvoertuie) het voortaan ’n buffer-tot-buffer-waarborg van vier jaar/ 120 000 km en dat dit een van die omvangrykste waarborge in die plaaslike motorbedryf is.

Gou-gou het Hyundai ook ’n verklaring uitgereik net om kopers daaraan te herinner die Koreaanse vervaardig het steeds die “beste” buffer-tot-buffer-waarborg, naamlik vyf jaar/150 000 km vir alle passasiersvoertuie en dit geld ook die H100-bakkie. En, seg Hyundai, die waarborg word gerugsteun deur die moedermaatskappy in Korea.

Ford het terselfdertyd aangekondig al sy produkte sal met die uitsondering van die huidige Fiesta- en Bantam-reekse voortaan oor ’n versieningsplan van vier jaar/ 60 000 km beskik.

Kia was die eerste om sulke lang waarborge plaaslik bekend te stel. Sy reeks se waarborge wissel tussen drie jaar/100 000 km en tienjaar/150 000 vir sommige modelle.

Teken in op Volksblad