Nuut op die boekrak
Apr 21 2008 12:38:54:747PM  - (SA)  

Druk artikel   E-pos storie aan 'n vriend

THE ARABIAN HORSE AND ITS INFLUENCE IN SOUTH AFRICA

Charmaine Grobbelaar

Protea Boekhuis, R250

ARABIESE perde hou dikwels ’n spesiale bekoring vir perdeliefhebbers in. Dié perde is bekend vir hul skoonheid, elegante bewegings en adellike vertoon. Maar hulle is ook bekend vir hul taaiheid en uithouvermoë onder moeilike omstandighede. Hóé hierdie perde-ras ’n huishoudelike naam in Suid-Afrika geword het, word deeglik in die boek bespreek. Charmaine Grobbelaar, ’n perdeliefhebber, wat in ’n groot mate bygedra het tot die teel van Arabiese perde in Suid-Afrika, beantwoord die vraag. Die boek bevat ook inligting oor perdestoeterye, telers en die stambome van Arabiese perde in Suid-Afrika. Pragtige foto’s is ook te sien.

JOCK VAN DIE BOSVELD

Sir Percy Fitzpatrick

Human & Rousseau, R89,95

HIERDIE is van die min Suid-Afrikaanse boeke wat as ’n internasionaal, klassieke boek gereken kan word. Dis die verhaal van sir Percy Fitzpatrick se ondervindinge as jong prospekteerder en transportryer in die Oos-Transvaalse Laeveld in die tagtigs. Die hoofkarakter is egter nie die skrywer self nie, maar dis sy getroue hond, Jock, saam met wie hy spannende jag- en ander avonture beleef. Die egte, lewendige styl maak van die boek vandag nog gelief onder alle lesers. – Danila Liebenberg

Teken in op Volksblad