Dit is die tyd van skoolgeld
Jul 05 2008 12:03:38:817AM  - (SA)  

Druk artikel   E-pos storie aan 'n vriend

’n Paneelbespreking word op 10 Julie met Tussen Reitz en Rots as onderwerp tydens Volksblad se kunstefees gehou.

As die bespreking dan oor rassekwessies móét gaan, vind mens dit vreemd dat daar tot vervelens toe op dieselfde aambeeld gehamer word, terwyl daar sedert die Reitz-voorval soveel ander rassistiese en geweldsinsidente in die land plaasgevind het wat onder die vergrootglas hoort. Dink maar aan Julius Malema, ANC-jeugleier, se moordoproep tydens vanjaar se Jeugdagviering by Thaba Nchu en dat mnr. Jacob Zuma, ANC-president, wat self teenwoordig was, dié uitlating stilswyend laat verbygaan het, so asof dit sy goedkeuring op daardie tydstip weggedra het.

Wat nog meer gevaarligte aanskakel, is dat Zwelinzima Vavi, hoofsekretaris van Cosatu, saam met Malema ook bereid is om te moor en te sterf vir Zuma. Op hierdie oomblik weier albei volstrek om hul woorde terug te trek. Watter boodskap word net nie deur hierdie twee here se uitsprake na hul ondersteuners uitgestuur nie?

“Wat het verkeerd geloop?”, oor ’n onderwerp soos xenofobiese geweld wat onlangs in die land losgebars het, of die pas afgelope Zimbabwiese presidentsverkiesing wat op chaos uitgeloop het. In albei gevalle is mense beseer, vermink en vermoor. In die geval Reitz nie!

Sou onderwerpe soos hierdie nie meer toepaslik vir bespreking gewees het waar lewe, demokrasie en die oppergesag van die reg bedreig word nie, eerder as om die ou koei, Reitz, weer uit die sloot op te grawe nie?

Jeanie Hattingh

Kroonstad

Teken in op Volksblad