Bravo! vir Stagedoor-wenners
Apr 01 2008 03:50:04:797PM  - (SA)  
Nadine Strampe

Druk artikel   E-pos storie aan 'n vriend

Dié twee koshuise het die Kovsie-kampus laat brrrrrr! van plesier toe hulle Saterdagaand as die wenners van Stagedoor 2008 aangewys is.

Die vrouekoshuise wat die beoordelaars vanjaar die meeste beïndruk het, was Marjolein, Sonnedou, Soetdoring, N.J. van der Merwe en Vergeet-my-nie. Die manne van Veritas, Villa Bravado, Abraham Fischer, Khayalami en J.B.M. Hertzog het op hul beurt geskitter.

Uit dié tien koshuise is die wenners aangewys. In albei die kategorieë, naamlik beste toonsetting van ’n gedig en wenner van Stagedoor 2008, het Villa Bravado met Once . . . yes, once we were soldiers onder die manskoshuise koning gekraai, terwyl Veritas tweede en J.B.M. Hertzog derde was.

Onder die vroue het Soetdoring met Snip Snip die beoordelaars in die palm van sy hand gehad, terwyl Marjolein tweede en Sonnedou derde was.

Intussen het die interdik wat die bestuur van die Universiteit van die Vrystaat (UV) teen groepbyeenkomste op die kampus gekry het, nou ’n kinkel in die sêr-kabel veroorsaak.

Rotasies is nou iets van die verlede.

Van vanjaar af sal sêrgroepe van die verskeie koshuise nie na ander koshuise beweeg nie.

Hulle sal in hul eie koshuise bly en die beoordelaars sal na hulle toe gaan. Die interdik geld tot Donderdag.

Dit behels dat daar nie groepe van meer as ses mense saam op die kampus mag rondbeweeg nie.

Die 20 beoordelaars is in vyf groepe van vier verdeel. Hulle het dan na die onderskeie koshuise beweeg. Elke koshuis het in een aand vyf opvoerings gelewer.

Bea van der Vyver en Stefan Buys (SR-kultuur) sê ondanks al die struikelblokke gee die huiskomitees vir kultuur hul volle samewerking. Kovsie-kultuur is baie bly oor almal se gees onder die omstandighede. “Ons het geglo alles gaan goed uitwerk en dat dit steeds ’n reuse-sukses was,” het Van der Vyver gesê.

Teken in op Volksblad