Inwoners wag in spanning op datums
Nov 18 2008 03:53:39:707PM  - (SA)  
Tharine Geldenhuys

Druk artikel   E-pos storie aan 'n vriend

Onderwyl die Moqhaka-belastingbetalers-en-inwonersvereniging (MBIV) wag op antwoorde oor kwessies wat die inwoners se sak en dienslewering raak, word daar in spanning gewag op die bekendmaking van die datums waartydens inspraak in die opstel van die begroting van aanstaande jaar gelewer kan word, aldus mnr. Gerrit van Schalkwyk, voorsitter van die MBIV.

Dié datums word op die oomblik, net soos die verslag van die ouditeur-generaal, van die belastingbetalers en inwoners van Moqhaka weerhou om redes wat net aan die Moqhaka- munisipale raad bekend is.

“Daarom is daar op die oomblik geen sprake van die moontlike opheffing van die dispuut deur die MBIV nie en word die publiek weer genooi om hulle aan te sluit, sodat ons vereniging steeds kan groei tot voordeel van almal,” sê Van Schalkwyk.

Teken in op Volksblad