Twee gediskwalifiseer in Groot Gat-marathon
May 14 2008 01:49:00:340PM  - (SA)  
Henry Hopley

Druk artikel   E-pos storie aan 'n vriend

Jack Ntoyi van die Galeshewe-atletiekklub het die jaarlikse Pirates 42 km-wedloop gewen.

Hy het die wedloop in 2:40:10 voltooi. Steven Makatong van Sesheng was die naaswenner in 2:50:40 met Tebogo Moipolai van Kagisano in 2:57:57 die derde plek.

Lizel Potgieter van Bloemfontein Achiles het die vroue-afdeling in 3:51:24 gewen.

Riette Douglas van Pirates was tweede in 3:54:17.

Lulu Ntsie en Mashiko Mokwena van Galeshewe was saam met 3:56:00 in die derde plek.

Die Klein Gat-halfmarathon is deur Mohuonae Semane in 1:09:07 gewen. Finlime Johannes Chobeng het in 1:10:51 tweede geëindig, met Jacob Danster van Pirates in 1:11:53 derde oor die wenstreep.

In die vroue-afdeling was Berdine Smith van Nedbank in die eerste plek met 1:43:10.

Jenny Uys van Pirates was in 1:54:42 die naaswenner gevolg deur haar spanmaat Louise van Niekerk wat die wedloop in 1:56:48 voltooi het.

Trevor Robertson van Galeshewe het in 27:12 in die Kort Gat se 10 km-wedloop koning gekraai.

Sy spanmaat Dingaan Stander was kort op sy hakke in 27:12 oor die wenstreep met Julius Maitsiboa van Sesheng in 27:49 in die derde plek.

Irma Coetzee van Galeshewe het die vroue-afdeling in 47:10 gewen met Anel Viljoen van Kimberley Road Runners in 56:12 die naaswenner en Magriet Truter van Pirates in 56:16 in die derde plek.

Teken in op Volksblad