Skool mag appelleer teen beslissing
May 17 2008 12:35:12:307AM  - (SA)  
frans coetzee

Druk artikel   E-pos storie aan 'n vriend

Waarnemende regterpresident L.O. Bosielo en regter S.A. Majiedt het op 23 November verlede jaar ’n aansoek van die skool afgewys. Die skool het gevra dat die besluit van die hoof van die Noord-Kaapse departement van onderwys tersyde gestel word om ’n vroulike kandidaat pleks van die skool se manlike voorkeur-kandidaat as hoof aan te stel.

Die regters het gister in hul uitspraak gesê nadat hulle die kwessie noukeurig oorweeg het, is hulle van mening dat daar ’n redelike vooruitsig vir ’n suksesvolle appèl is. “Die appèlhof mag bevind dat ons gefouteer het met ons bevindings betreffende die magte van die hoof van die onderwysdepartement nadat hy hom vergewis het dat die skool se beheerliggaam ingevolge die Wet opgetree het.

“In die algemeen mag ’n appèlhof bevind ons het gefouteer in ons benadering betreffende die hoof van die onderwysdepartement se opweging van die gelyke indiensnemingsoorwegings teen die ongelyksoortigheid, onvermoë en geskiktheid van die kandidate wat deur die beheerliggaam aanbeveel is.” Adv. Johan van Niekerk, SC, het vir die skool opgetree. Adv. L.T. Sibeko, SC, het vir die hoof van die departement van onderwys opgetree.

Teken in op Volksblad