Volksblad

Afgaanse konflik eis Australiër
'n Oud-Suid-Afrikaner is die naweek as 'n Australiese spesmagte-soldaat in Afganistan dood.

Omstrede beslissing knou Kallis
Jacques Kallis moet sweerlik wonder wat die krieketgode dan nou eintlik teen hom het.

Webwerf

Argiewe

Eiendomme

WEER

Bloem 14-30°C

Voorspellings

NUUSBRIEF
Registreer hier

KONTAK ONS
Wie is ons
Redaksie
Advertensies
Bemarking

Tel. 051 404 7600

Vlug ‘onbepaald vertraag’
Aug 04 2008 04:03:34:460PM - (SA)
Karen Ebersohn


Druk artikel
E-pos storie aan 'n vriend

Verwante Berigte

Vertragings noodsaaklik, sé SA Express ná klagtes

Soveelste vlug na Jhb vertraag

SA Express jak sakelui só af

“Dit is ’n totale fiasko,” het mnr. Jonathan Crowther gesê nadat ’n vlug van SA Express van Johannesburg na Bloemfontein weer gister onbepaald vertraag is.

Crowther, redakteur van Volksblad, neem die volgende drie maande as redakteur van Beeld, susterkoerant van Volksblad, waar en moet weekliks tussen die twee stede pendel.

Volksblad het Dinsdag berig dat die vlug van tientalle passasiers, onder wie Crowther, wat Maandagmiddag van Bloemfontein na Johannesburg moes reis, langer as drie uur vertraag is.

Gister het dieselfde gebeur op die vlug van die Goudstad na die Rosestad.

Passasiers moes hoor die 15:30-vlug is “onbepaald vertraag”.

“Niemand het enige verduideliking aangebied nie. Dit is nie die eerste keer wat dit gebeur nie en dit maak ’n mens moedeloos,” het Crowther gesê.

“Dit is onaanvaarbaar dat wanneer mense navrae rig, ’n mens ’n antwoord kry dat hulle oor die saak vergader.”

Mev. Dileseng Koetle, woordvoerder van SA Express, sê daar was tegniese probleme met die vlug. “Wanneer daar ’n tegniese probleem is, kan dit vertragings in vlugtye veroorsaak. Die passasiers is almal op alternatiewe vlugte geplaas.”

Sy sê die lugdiens vra al die passasiers om verskoning.

“Die veiligheid van ons passasiers bly ons eerste voorkeur.”

Teken in op Volksblad

SA EXPRESS, 25/08/2008, Elizna de Vos 25/08/2008
SA Express kry baie kommentaar, maar ek het die naweek met hulle gevlieg van Bloemfontein af na Kaapstad en alles was darem optyd, ek stem saam met die versnapperings as mens iets doen dan doen jy dit ordentlik. Waaroor ek wel wil kla, is die feit dat jou kaartjie "refundable" moet wees, maak nie saak wat nie!! Ek betaal daarvoor en as ek dit nie gaan gebruik nie, behoort 'n mens jou geld terug te kry. Ek weet dit staan in die voorwaardes en klousules, maar as jy tot 2dae voor die tyd kansalleer, hoekom wil SAA die geld nie refund nie? Wat doen julle daarmee? Met anderwoorde jy vat wat nie joune is nie, of hoe?? Jy maak nie gebruik van die vlug of diens nie, so hoekom moet jy betaal vir iets wat jy nie gebruik nie!! Ek hoop dat julle na hierdie probleem sal kyk, want ek dink nie dis net een of twee mense wat so daaroor voel nie.... Julle is wel die enigste lugredery wat in Bloemfontein funksioneer!!!!

Hulp is in sig, 06/08/2008, Karen
Die hoofbestuurder het vandag onderneem om dringend aandag aan al die kwessies en probleme te gee.

sa express, 06/08/2008, lindie
ek is nou wel nie 'n gereelde passasier nie maar die 2 maal wat ek wel noodgedwonge van die lugdiens moes gebruik maak was die vlugte ook laat. Eers moes ek vir 'n dokters ondersoek in Johannesburg gaan en het bespreek op die vroegste vlug van Bloem na Jhb.... en raai wat ons was met 2 ure vertraag en daar was die verskoning dat die vlug die vorige aand laat van Jhb af ingekom het en dat die vlieeniers hul vasgestelde slaapure volgens die regulasies moes inkry ... en nou op 11 Julie moes ek weer met die vroee vlug van Bfn na Jhb vlieg vir 'n dierbare se begrafnis ... ha ha raai wat weer die selfde vertraging en al wat die personeel vir jou se is jammer, maar ons vertrou jy sal nog betyds wees vir jou verpligtinge ... weet die personeel nie hoe die verkeer op die hoofwee in Gauteng lyk nie .... ek moes van OR Thambo nog na Pretoria ry vir die begrafnis .... ag genade dit was omtrent 'n onbegone taak.Net toe die kerk deure toegaan het ek opgedaag by die begrafnis ... ag nee hoe gaan een van die SA Express personeel voel as so 'n vertraging hulle tref ... veral as mens vir 'n begrafnis gaan ... of al is dit net vir 'n besigheids afspraak of wat ook al ... hoekom bespreek mens op die vroegste vlug ... omdat jy voorsiening maak om wel betyds jou verpligtinge na te kom ... hoekom vat hul dan nie die vroee vlug weg nie ... o nee hul wil mos geld/wins maak ...en wat dink SA Express gaan gebeur met die 2010 Sokker wereld beker ... gaan die oorsese gaste wat van een stad na die ander wil vlieg tevrede wees met sulke diens ... ek glo nie ... SA Express jul moet regtig 'n plan maak en jul sokkies optrek .... jul diens is definitief nie op standaard nie ...dit is eintlik pateties ...

SA Express, 06/08/2008, Retha Swartz
Op die 5 April 2008 het ek aangeland in JHB internationaal vanaf Singapore, vandat ons begin vlieg het van Denpasar (Bali) was dit nou al 32 uur wat ek in "transit" was. Aangekom aan die die "domestic" kant van die lughawe, ingeboek en als het hulle aan my vertel dat die vliegtuig met 5 ure vertraag is, so met 'n moee lyf moes ek my probeer wakker hou op die lughawe. Daar kon ook geen rede verskaf word hoekom die vliegtuig vertraag was nie. Al my besprekings was gedoen deur travel agent en hulle kon ook nie enige iets van die Lugdiens uitvind oor die vertragings nie. So weet ek van nog baie ander mense wat ook probleme het met die lugdiens, ek sal seker maak hulle besoek ook die website vir hulle komentaar

SA Express, 05/08/2008, Danie Vermeulen
Ek moet ongelukkig ook dikwels van SA Express se dienste gebruik maak aangesien hulle die alleen monopolie na Johannesburg het. Die vertragings het ek nou al gewoond geraak en vir menige vergaderings laat opgedaag, of reeds die vorige aand gevlieg om seker te maak dat ek betyds is. Ek kan verstaan dat vliegtuie soms laat is, maar wat my laat rooi sien is die traak-my-nie-agtige houding van hulle personeel rakende die deurgee van inligting. Ek stel voor dat hulle ten minste 'n inligtingstoonbank op elke lughawe oprig(wat heeltyd beman word, selfs gedurende teetye en etenstye)waar passasiers op hoogte gehou kan word van veranderinge in vlugtye.

SA Ex press, 05/08/2008, Nog een!
Gereelde passasiers, bespreek lankal nie meer op die middag vlugte nie want hulle WEET dat dit vertraag of gekanselleer gaan word! BELAGLIK!

SA Express, 05/08/2008, Herman van Schalkwyk
Dit is hoog tyd dat iemand SA Express dagvaar. Hulle lewer die swakste diens wat ek nog in my lewe ervaar het. Die enigste rede waarom hulle daarmee wegkom is omdat daar geen mededinging is in Bloemfontein nie. In vergelyking met ander vlugte is die kaartjies duur en die diens swak. Tot die versnapperings wat aangebied word is op 'n laer vlak. Ek vlieg soms tot 2 maal 'n week na Johannesburg en het male sonder tal probleme met vliegtuie wat of laat vertrek of glad nie vertrek nie. Kan 'n klomp van ons dan nie maar ons eie lugdiens begin nie? Met SA Express as jou enigste kompetisie behoort lewensvatbaarheid nie 'n probleem te wees nie.

Hierdie kommentaar fasiliteit is nou gesluit.