Afskeid moet wag nadat saal gebrand het
Oct 06 2008 11:40:23:670PM  - (SA)  
Jana Engelbrecht

Druk artikel   E-pos storie aan 'n vriend

Mnr. George Thys, die skoolhoof, het gister gesê hy wag nog om te hoor hoeveel die beraamde skade aan die saal is.

“Die brand het Vrydag omstreeks 19:00 begin en ons het dit eers teen 22:00 geblus gekry. Dit was nou regtig ’n gespook. Ons het eers brandblussers probeer, maar dit het nie regtig ’n verskil gemaak nie. Die plaaslike korrektiewe dienste het later die vlamme met brandslange geblus.”

Thys het gesê lede van die plaaslike gemeenskap, die munisipaliteit, onderwysers en ouers het almal ingespring om die brand te help blus.

“Onderrig by die skool gaan vandag normaal aan. Die departement van onderwys het van Saterdag af twee wagte aangestel. Daar is nou ’n moontlikheid dat permanent wagte by die skool aangestel gaan word.”

Hy het gesê die polisie ondersoek moontlike brandstigting.

“Dit is tragies. Ons wag nou net vir die departement van onderwys om vir ons te sê wanneer die saal sal reg wees vir die matriekafskeid. Hopelik hoef ons dit nie langer as ’n week of twee uit te stel nie.”

Insp. Thelma Swart, polisiewoordvoerder, sê geen verdagtes is nog in hegtenis geneem nie.

“ ’n Forensiese ondersoek gaan môre gedoen word. Die saal en die musiekkamer is beskadig in die brand. Die skadeverslag word afgewag.”

Bel konst. Calvin Botha by 082-908-3623 met enige inligting.

Teken in op Volksblad