Man erg beseer toe hy in duiwelsvurk val
Oct 15 2008 10:54:57:393PM  - (SA)  
Jana Engelbrecht

Druk artikel   E-pos storie aan 'n vriend

Mnr. Lucas Hugo, ’n werknemer van Telkom, het glo aan ’n telefoonpaal in Schmidtsdriftweg gewerk. Mnr. Albert Hensberg, bedryfsbestuurder van ER24 in die Noord-Kaap, het gesê Hugo het op ’n leer gestaan en werk.

“Die leer het na bewering gegly en hy het geval. Die leer het op die duiwelsvurk geval en Hugo het toe bo-op geval. Twee van dié penne het omtrent 8 cm diep in sy maag gesteek.”

Hensberg het gesê Hugo was reeds op die grond toe ER24 se ambulans op die toneel kom. “Ons het hom in ’n ernstige, maar stabiele toestand na die Kimberley-Medi-Clinic vervoer. Ons het hom toe later die middag na die Life-Rosepark-hospitaal in Bloemfontein vervoer.”

Mev. Denise Coetzee, woordvoerder van die Kimberley-Medi-Clinic, het gesê Hugo se diafragma, longe, milt en hart is beseer.

“Hy was vir ’n skandering en is in ’n kritieke toestand. ER24 het hom na die Life-Rosepark-hospitaal in Bloemfontein vervoer.”

Mnr. Pynee Chetty, woordvoerder van Telkom, het die maatskappy se medelye met Hugo en sy familie uitgespreek.

“Telkom ondersoek die voorval.”

Hugo se familie was gister te getraumatiseer om met Volksblad te praat.

Teken in op Volksblad