UV-laboratorium kry 200 rekenaars
May 15 2008 03:22:53:493PM  - (SA)  

Druk artikel   E-pos storie aan 'n vriend

Die rekenaars sal gebruik word in die nuwe rekenaarlaboratorium wat tussen die UV-Sasol-biblioteek en die Genmin Lectorium op die hoofkampus in Bloemfontein gebou word.

Met die gebou word ruim voorsiening gemaak vir studente wat van ’n rekenaar vir studiedoeleindes gebruik moet maak.

Altesaam 815 rekenaars sal in die nuwe laboratorium vir gebruik deur die studente wees.

Op grondvlak sal vier lokale met rekenaars ingerig word.

In twee van die lokale sal studente met mekaar kan praat en in die ander twee sal studente in stilte kan werk.

Daar word ook 18 groepkamers ingerig wat toegerus is met ’n rekenaar en groot skerm.

Dié kamers sal plek hê vir sewe mense en sal op bespreking beskikbaar gestel word.

Op die tweede vlak sal saam met die groepkamers ook lesinglokale wees.

Die grootste hiervan, met 184 sitplekke, sal ook as eksamenlokaal dien.

Verder sal daar een lokaal met 70 sitplekke en nog drie met 40 beskikbare plekke wees.

Twee lesinglokale sal van skootrekenaars voorsien word wat op verskuifbare tafels aangebring sal word sodat studente na mekaar toe kan skuif sou daar in groepe gewerk moet word.

Veiligheidskameras sal oral in die gebou geïnstalleer word en streng veiligheidsmaatreëls sal toegepas word.

Die laboratorium, met ’n hele projekkoste van ongeveer R28 miljoen, sal volgende jaar in gebruik geneem word.

Teken in op Volksblad