Man gevang ná raaisel
May 08 2008 01:58:07:633PM  - (SA)  

Druk artikel   E-pos storie aan 'n vriend

Kapt. Stephen Thakeng, woordvoerder van die polisie, sê konst. Thamaha Baase se lyk is met ’n skietwond onder die ken voor ’n huis in Romeostraat, Bedelia, deur ’n verbyganger gekry.

Baase, wat by die Thabongse gemeenskapdienssentrum gewerk het, het omstreeks 03:30 sy vriendin gebel en gesê hy was in ’n motorongeluk in Longweg.

Omstreeks 04:00 het inwoners van die omgewing ’n skoot gehoor. Later die oggend is Baase se lyk gekry.

Thakeng sê geen vuurwapen is op die toneel gekry nie. Die polisie het ’n patroondoppie gekry. Dit is nie duidelik of dit Baase se diensvuurwapen is wat gebruik is nie.

Baase, wat oorspronklik van Virginia is, het ’n blyplek in Welkom gehuur. Hy is op die toneel dood.

Thakeng sê die polisie krap kop oor wat presies gebeur het. Met hul ondersoek het hulle Baase se motor steeds in die middel van die pad gekry waar hy in die ongeluk was. Geen ander motor was in die ongeluk betrokke nie.

Die voorval word deur die eenheid teen ge?organiseerde misdaad ondersoek en enig?iemand met inligting oor die voorval kan supt. Abé Kolisang by 082-854-7519 bel.