Kies jou skool se provinsie
| Beeld | Die Burger | Volksblad | Rapport | Sake24 | Jou Geldsake | LitNet | KykNet | Gemeenskapskoerante | NetAfrikaans | ||||
|
|
|
||
| Beeld | Die Burger | Volksblad | Rapport | Sake24 | Jou Geldsake | LitNet | KykNet | Gemeenskapskoerante | NetAfrikaans | ||||
|
|
|
||
Bloem 5-30°CVoorspellings   |
|
Valke maak Leeus goed in hul Curriebeker-stryd skrik
JOHANNESBURG. – Die Leeus het Vrydagaand op Ellispark groot geskrik teen die Valke voordat hulle die Skarlakenrooies 35-23 verslaan het om hul eerste sege in die Curriebeker-rugbyreeks te behaal. Die Leeus het die voltal van vyf ligapunte broodnodig gehad om hul aanspraak in die beker-reeks ná twee nederlae lewendig te hou. Die Valke het gedreig om ’n opskudding te veroorsaak deur ’n agterstand van tien punte in die tweede helfte uit te wis om gelyk met die Leeus op 18-18 te trek. Die tuisspan het genoeg skietgoed gehad om die gemaklike voorsprong binne minute te herstel, maar die Valke het geweier om te gaan lê en die Leeus laat swoeg tot die bitter einde. Die heelagter Earl Rose was die tuisspan se groot held. Hy het drie drieë gedruk en ook 15 punte met sy skopvoet aangeteken om 30 punte tot die Leeus se totaal by te dra. Die Valke het ondanks ’n string beserings stewig vertoon met ’n ontwrigte span. Die flank Uwe Sauer, die linkervleuel Luvo Sogidashe, die losskakel Riaan Smit en die buitesenter Rouan Cloete het almal die veld hinkepink verlaat. Sauer en Cloete het albei ’n barshou gespeel voordat hulle beseer is. Die besoekers het hul kanse gehad om selfs voor te loop teen rustyd. Die agtsteman Sean Plaatjies het egter twee keer aangeslaan met ’n oop doellyn voor hom, terwyl die heelagter Jacques Schutte se skopvoet hom ook in die steek gelaat het. Die Leeus het gedreig om in die eerste skof ’n groot voorsprong op te bou ná twee drieë, maar swak besluitneming en te veel onnodige foute op die aanval het die agterdeur vir die Valke oopgelaat. Puntemakers: Leeus 35 (18) – Drieë: Franco van der Merwe, Earl Rose 3. Doelskop: Rose 3. Strafdoele: Rose 3. Valke 23 (8) – Drieë: Dewald Pretorius, Rouan Cloete, Emile Verster . Doelskop: Len Olivier. Strafdoele: Olivier, Jacques Schutte. – Jaco van der Merwe
|
||||||||||||||
 |
||||||||||||||
 |
||||||||||||||
|
||||||||||||||
|
Vind
vind jou ou skoolvriende
Kies jou skool se provinsie |
||||||||||||||
|
|
