10/05/2008 14:09 - (SA)
Mynongelukke is erg, maar moorde ook
Steve Theron, Garsfontein-oos:
Ek betoon graag my innige en opregte simpatie met die familielede van die slagoffers van die South Deep-myn.
Wat egter my verstand te bowe gaan, is dat mnr. Zwelinzima Vavi van Cosatu sommer die myn sy bedrywighede wil laat staak en persepsies geskep word dat dit aan die swak bestuur van die myn(e) te wyte is dat mense sterf. Dit kan sekerlik so wees, maar daar sterf daagliks honderde mense in ongelukke en talle mense word vermoor. Is dit ook te wyte aan swak bestuur deur die regering?
Ek onthou hoe wyle min. Steve Tshwete uit sy pad gegaan het om die begrafnisse van vermoordes as kabinetslid by te woon, maar as dit nou moet gebeur, sal die hele kabinet elke dag by sulke begrafnisse wees.
Stop die mynongelukke, alle ongelukke en moorde!
|