Druk artikel   E-pos storie aan 'n vriend

Die Nelson Mandela-stigting is in 1999 as ’n kantoor vir president Nelson Mandela gestig ter voorbereiding van sy uittrede uit sy amp.

Die Nelson Mandela-stigting wat in Mandela-huis in Houghton gehuisves is, het uitgebrei en sluit die Nelson Mandela-sentrum vir herinnering & dialoog in wat deur werksaamhede en dialoog rakende noodsaaklike kwessies tot die vestiging van ’n regverdige samelewing bydra.

Terwyl Mandela steeds die kantoor gebruik, word die werk van sy stigting in dieselfde gebou voortgesit wat die vestiging van ’n argief van wêreldgehalte oor sy lewe, werk en nalatenskap insluit. Die program van dialoogvoering wat deur Mandela se voorbeeld van dialoog vir vrede geïnspireer is, is daartoe verbind om ’n platform vir gesprekvoering oor kritieke maatskaplike kwessies te bied. Die program van dialoogvoering wat Mothomang Daho bestuur, put uit Suid-Afrika se ryk tradisies van transformerende dialoogvoering, probleemoplossing en maatskaplike vernuwing met die doel om ’n beter begrip en bewustheid van probleme te fasiliteer en oplossings daarvoor te ondersoek.

Die sentrale kern van die program vir dialoogvoering is die Jaarlikse Nelson Mandela-lesing. Dit is vanjaar by die Walter Sisulu -gedenkplein in Kliptown, Soweto, aangebied, waar ook die Congress of the People die Vryheidsmanifes in 1955 aanvaar het. Die lesing is op 12 Julie deur die president van Liberië, Ellen Johnson-Sirleaf gelewer (sien bladsy 28). Bladsy 6 tot 24 handel oor die reeks In Gesprek Met en is dialoogvoering wat in pas is met die stigting se visie om deur Mandela se visie en werk ’n regverdige samelewing te bevorder.